مضى عمري معه امشي على دقه وتسكيره
انا من يوم مارقمه تربع وسط جوالي
واناجوالي المبلي فلا ارتاحت ازاريره
اهوجس كل ماطول علي مسكوله الغالي
مضى عمري معه امشي على دقه وتسكيره
ذبحني لعنبو حيه ياليت يحس باحوالي
وانا من يوم ماقلبي تمنى مابغى غيره
غلا وين الغلا هذا اذا يمشي على مالي
اجل كل مابغى وصلي بسدد له فواتيره
خطاي اني معاه امشي بصدق وود لاجالي
اجل لايقول انا احبك ويظهر عامل الغيره
انا من عافني عفته غلاه اوطاه بنعالي
حشى ماذلها نفسي لناس مابها خيره
هذاك اللي تمنيته سنين ولا تهيالي
هذاك اللي سنين ارجي لقاه وعشت في حيره
عسى الدنيا بلا وصله ضياع ولالها والي
هويته لعنبو جد المحبه من تعابيره
متى كان الغلا لعبه لقلب داله سالي
وانا من زود مااحبه مشيت اقصى مشارويره
احبه ليت له قلب يحس بيوم في حالي
الا ليته يقدرني مثل ماشلت تقديره
تسبب لعنبو حيه بعدها بفصل جوالي
وانا ياحسرتي عايش على دقه وتسكيره
للشاعر فارس الصميدان
|