[شذى الريحان]

يابنات ياحلوين كل وحدة اكيد عندها تجارب في حياتها اليومية
قصدي تجربة او موقف صار معاكي في البيت او المدرسة او السوق
ممكن تحطو تجربة مفيدة ولا تجربة اتعلمتي بعدها وحرمتي تعييديها مرة ثانية
زي مثلاً اذكر هذا الموقف صار معايا في التنظيف
من تجاربي
[color=#FF1493]اني كل بعد فترة لازم ندعك البسط او الموكيت من كتر الحرص
وكان في بقعة ماطلعت معايا من البساط الا وايش سويت فكرة فكرة انما ايه
جبت قارورة الفلاش وصبيت على البقعة في البساط مباشرة الا وعيونكم ماتشوف الا النور
ادور على البقعة وعلى البساط مالقيتهم اختفوا لقيت البلاطة ومن كتر الحرص اتغير الموكيت
يعني احذروا الفلاش مو فلاش الكاميرا لافلاش المنظف[/color
]&&&
في غسيل الحمام الله يكرمكم
مسوية شطارة حطيت فلاش مع دواء غسيل ماشوف غير الدخان يتصاعد في الحمام
والريحة تقتل انخنقت ادور اكسجين مالقيت حتى بعد ماشطفت البلاط بالموية
برضوا الريحة ماسكة في البيت كله
&&
اما في وحدة اعرفها سوة شطارة زي حالي وحطت الفلاش ودواء الغسيل مركز
على البوتجاز اختفت الطبقة البيضاء في البوتجاز وصار لونه اسسسسسسود
تقولوا من سنة جدي صارت مسكينة من خوفها من ابوها بس تغطي تجربتها في البوتجاز بقصدير
يعني ياحلوين احذروا الفلاش
انا صرت معد ادخلو البيت لان من كتر مااستعملتو سببلي حساسية
&&&
في التنظيف برضو
لماتبغي تنظفي موكيت ولا كنبة تحطي مع الصابون شوية من بخاخ القزاز يعطي
نتيجة ايجابية ههههههههههه حلوة نتيجة ايجابية
&&&
من تجاربي الشخصية والله والله
انا كنت اخاف من الكهيل العجايز بس اللي مااعرفهم
يعني لو كنت في فرح وجاء وجهي في وجه عجوزة مكرمشة مسكينة والله اشهق
واروح بعيد عنها واحيانا اجري حسب العجوزة
اذا جو عندنا عجايز مانعرفهم عابرين سبيل يعني كانت امي تهربهم من غرفة لغرفة
لحد مافي يوم قالتلي وحدة انتي لما تعجزي الكل راح يبعد عنك
خلتني افكر واتامل حالي لما اعجز اتخيلت انهم يجرو ويقولوا العجوزة جات
والله لقيت انه موقف صعب اتغيرت بعدها بس نفسي اعرف سبب خوفي من العجايز
ايش سببه اكيد حاجة تخص الماضي ماافتكر
المهم ماعلينا صارو دحين العجايز في نظري اجمل ماخلق ربي
حلوين طيبين وبحبهم البركة في الاخت اللي خلتني اتخيل نفسي
&&&
علشان تبغي الاطفال يحبوكي ويموتو في دبديبك اكسبيهم
اذا كان بالك طويل تقدري تسوي هادي الحركة واذا تطفشي بسرعة وماتحبي تصغري عقلك شوية
راح تكوني في نظرهم الصارمة والوحشة
من تجاربي مع الاطفال انه لازم كل بعد فترة اجمع اطفال العايلة الله يحفظهم
واشتري بلونات وزينة موبس في اوقات حفلات النجاح كل بعد فترة تقريبا من غير سبب
علشان خاطرعيون الاطفال الحلوين
اشتري العاب من الرخيصة ام ريالين اة خمسة منوعة واحطها في كرتون او سبت
واسويلهم مسابقة اسئلة ومسابقات جري والعاب زي شد الحبل او اكتب في
فيلين نص كلمة وباقي الكلمة في النص الثاني
مثلا اسم مدينة او فاكهة والطفل يجيب الجزء الثاني
وقت الجوايز يدخل الطفل يدو من غير مايشوف اللعبة واللي يطلع معاه ياخدو
والله نشوف بكاء وزعل ابغا هادي ماابغاهادي وشغلة طويلة
اقول استاهل جبتو لنفسي لكن اصبر
مع ان ابويا وامي الله يخليهم يترجو يومتها من الازعاج
احرص لازم اسوي دي الحفلة في بيت الوالد علشان يتجمع القوم
بس في النهاية تلاقي دعوة حلوة من الاهل بسبب اني سببت في ازعاجهم
وتنسي نفسك لما تشوفي الاطفال فرحانين
ياسلام شي رائع بعدين نكمل الناقص نسوي مسابقة تفقيع للبلونات
يشترك فيها الكبار والصغار ههههههههههه منظر رهييييييييييييب وهات ياضحك على الاشكال
ربي يديم السعادة
نصيحتي سوو هادي الحفلة كل بعد فترة تغير للطفل
&&&&
مشرفتنا الغالية بنت شيوخ ماعندي موضوع معين كنت طفشانة
قلت االف موضوع من عندي على الله يعجب
بس ابغا كل وحدة تحط تجربة نستفيد منها سواً في المطبخ او البيت او حتى المدرسة
بالذات اصحاب الاحياء ايش تجاربهم الا اذا احياء ميكرو بولجي امكن مواقفهم اصعب
بنت شيوخ اذكري تجربةانتي
والاخوات
دينا
سحرانثى
قمرهم
الاميرة
طيف
رغد
جوهرة
مين كمان مين اكتر بنات اتعامل معاهم تقريبا اللي ذكرتهم
اووف نسيت ديرتي المربا
اميرة الورد
والاخيرة متكحلة بفحمة
المهم الكل يكتب تجربة نستفيد منها