لقيت الدار.........
][®][^][®][السلام عليكم ورحمة الله وبركاته][®][^][®][
لقيت الدار من بعـد الحبايـب ==== خليه باكيـه وبهـا عجايـب
وقفت ابها وانا حيـران ساعـه ==== ودمع العين من موقي صبايـب
الايـــادار بالله خبـريـنـي====عن المحبوب قولي وين غايـب
تقول الدار عقبـك غادرونـي ==== وخلونـي لعيـات الهبـايـب
وسافر من تـود وحـال دونـه ==== بحر وبرور واخطار ومصايب
رجعت بحسرتي وهموم صدري ==== وتقلاني مـن العبـره لهايـب
وهاناقد بليـت بـذى المصيبـه ==== مصيبة حب والدنيـا مصايـب
ونا من قبل لاجي كان ظنـي ====على هذا وظني كـان صايـب
الايالله لاتقطـع رجـا اللـي ==== يسألك عن رجوع محب غايـب
عسى المحبوب يرجع بالسلام ==== بحفظ منك ماتصيبـه نوايـب
محبا مالكـا عقلـي وروحـي ====وفي حبه رخيص العمر ذايـب
يحلي بلؤلؤ البحريـن صـدره==== وحنى العين حطه في الروايب
عسى كل عام ياديـرة حبيبـي==== عليك يصب هطـال السحايـب
لقيت الدار من بعـد الحبايـب==== خليـه باكيـه وبهـا عجايـب
الشاعر:احمـد علـي الكنـدي
ارجو ان تنال اعجابكم
ـــــــــــــــــــــــــــــــــــــ
|