[عبدالرحمن الزهراني]

[media]http://www.anageed.com/upload/uploads/65c2e1f9cf.mp3[/media]

[poem=font="Traditional Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مهما تحاويت الامل والوضع من شين ٍ لشين=لا زالت الدنيا بعد فيها من الخير اوسعه
ما احب انا المتشاوم المقرود والا المحبطين=عن حاجتي مالي بكثر الشي يوم اجمعه
ان كان ميد المال ما نبغيه واحنا طيبين=الى سلمنا الدين والحاجه فمالي مطمعه
اسمع من اخبار العرب شي عن المتقدمين=من همه الدنيا فماله في حياته منفعه
هذا ولا ني مقتنع او ضد فن الآملين=لكن شي ما تطوله وش له تعيشه دعه
يعني مقدر لك حياه تعيشها لا حد حين=طبعي مع العالم عجزت اغيره واطبعه
لني تراكم للضروف وللمشاعر من سنين=الطبع يدفعني وانا عاجز ولا اقدر ادفعه
كذا ولدت انسان مثل الناس من ماي وطين=مره ظروفه مقنعه واحيان ماهي مقنعه
اقسم لك اني ما نويت اعيشها "تف" وحزين=لكن قبل اشوف زينك ما توقعت السعه
تايه دروب ولا نشد من فين بيودي لفين=ولا حسب للدرب لو كان النهايه مصرعه
يعني على الله عايش الدنيا مع المتفائلين=يمكن يصيب الحظ يوم .. اقوم له بالقبعه
مع شكي انه لو يزين الحظ من باب انت مين=يعني على نشرات احوالي بداية زوبعه
يعني اختلافي عنك من باب اختلاف الفطرتين=فقير يعشق مترفه ما يملك الا مدمعه
من صغر سنك مترفه وابوك عم المترفين=يعني قصور املاك ، مال ورزق ربي جمعه
يعني تجمعنا تناقض والتناقض شي شين=يفتح شدوق الناس بشياء والكرامه موجعه
قالت احبك قلت ادري والمحبه شي زين=لكن تجانسنا صعب لو قمت غصب ارقعه
يا منيتي بين البشر والله يعين الصابرين=عيشي حياتك واسعدي والحب ما باضيعه
لكنك اجمل ما حدث للشاعرالصب الفطين=اللي اكبراملاكه شعور وبيت شعر وصومعه
روحي فمان الله يا اجمل من سكنتي نون عين=يا أعذب انسانه في الدنيا وقلبك ما اروعه
لا ترغمين ع الوفا وانا حياتي بس دين=ما اقوى دموعك لا تهلين .. الدموع الاربعه[/poem]