*باركولنا* الشغالة ولدت*
نحتاج شغالة وسواق
نقدم في مكاتب الاستقدام يبلغونا بعد ستة شهور يوصلو
بعد الستة شهور وصلت الشغالة والسواق
نستقبلهم نعطيهم غرفة محترمين معاهم وهما نفس الشي محترمين معانا
بعد شهرين فقط تجي الشغالة
تقول مدام انا تعبانة انا بطني وجئان راس يدوريدور بس روهي حمام سوي طرس(يعني طراش الله يكرمكم
المدام اكلتي حاجة طيب يلا اوديكي المستشفى
الدكتورة سوي تحاليل وتجي البشارة الشغالة حااااااااااااااااااااااااامل
المدام الله يبشرك ايش الهناء اللي انا فيه والسعادة ربي جبرنا بعد انكسار
الزوج ايش الاخبار
الزوجة ابشرك شغالاتنا حامل
الزوج يقرر تسفيرها الزوجة ترضى وتقول اجيب غيرها وامري لله
تعرف الشغالة بالقرار تجي تبكي وتتوسل مدام انا اسوي شكل شغل كويس وباقوس انتي مافي سفري انا
تحن الزوجة تقنع زوجها يرضوا بمصيبتهم
بعد 8شهور يسمعو الصياح والزعيق والبكاء الست شغالة جاتها الولادة
المدام تكلم السواق جهز السيارة تاخذ شغالتها واقرب مستشفى خاص
الممرضة اسم المريضة
المدام سولاسمي بنت ناجازاكي
الممرضةليش ايش جنسيتها مو سعودية
المدام طبعا لالالا واضح من الاسم
الممرضةفين كفيلها
المدام انا كفيلتها
الممرضةكفيلتها وجايبتها بنفسك تولد كيف حملت
المدام زوجها سواق عندنا
الممرضة لا اذا كدا الوضع مختلف
تدخل الشغالة هانم كشك الولادة
والمدام رايحة وجية تنظر الخبر تقول وحدة من الاهل لكن لله صبرو عليها
جات البشارة مبروك شغالتكم جابت بنت تحمد ربها المدام
يقرر السواق والشغالة يسمو بنتهم اسم مركب اسمها(ريم زينب)
ريم باسم بنت كفيلهم وزينب باسم وحدة من جماعتهم
وفي البيت البنات يساعدو امهم طالعين نازلين اختبارات ودراسة وخدمة في البيت
ايش فايدة الشغالة موبس كدا الزوار داخلين خارجين طبعا من جماعة الشغالة والهدايا اشكال والوان
طبعا مانسيو اصحاب البيت يعطوهم هدية السماية
راحو اصحاب البيت اجازة كم يوم عند اهلهم في منطقة ثانية
اتصل السواق على صاحب البيت وطلب منه يسمح له يبغا يسوي سابع وعزيمة للطفلة
رضي صاحب البيت اكيد مسوين عمل اصحاب البيت راضين عن كل شي الرجال في الحوش والحريم في الغرف
طبعا جاوة في جاوة تجي صاحبة البيت تلاقي الدنيا مقلوبة ودولاب الشغالة والصالة طافح من الهدايا
ياكثر جماعتهم عندنا
على هذا الحال اربعين يوم وكمان وصاية كم يوم
ترجع الشغالة لحياتها مرة تخدم ومرة بنتها تبكي وتمرض
بنات صاحب البيت صارو يحبو ريم زينب اكثر من ريم نفسها
يشيلوها ويحطوها العاب اشكال والوان علشان عيون ريم زينب
والى الان اكثر من 9شهور والسواق والشغالة وريم زينب عند العايلة الكريمة
&&
وفي عائلة ثانية شغالتهم جابت ولد لما حملت شغالتهم جابو شغالة ثانية تساعدها
لحد ماصار عمر الطفل سنتين وهو ساكن مع الكفيل
&&&&&
سوالي رغم مشاكل الشغالات وجرائمهم وتجاوزاتهم
حتى الكفيل واهله احيانا يظلمو الشغالات والسائقين
الا انه في ناس طيبين زيادة عن اللزوم
لو كنت (ي) في مكان هذه العائلة ايش ردة فعلك
ترضى وتحتسب الاجر عندالله وتقول غلابة تركو بلادهم علشان لقمة العيش
او تسفرهم وتقول اللي خلقهم يتولاهم وانا غير مكلف بهم
ملاحظة القصة واقعية من محيطي
ـــــــــــــــــــــــــــــــــــــ
|