رد : قصه الزير سالم بلهجه الغربيه
يابويا اشبك انت اختنا بدوكة جالس تهرج على هادا اللي اسمه كليب السرسري ونسيت ايش سوا في اقاربه اولاد الشيبة المخرف هادا اللي اسمه مره انت لو تعرف اللي سواه ماكان خليتوا سلطان زمانه هادا يالطيف سوا البهادل فيهم ياعيني حتى مارحم فيهم لا كبير ولا صغير وجاء الاهبل هاد السرسري التاني وكمّل الباقي الله يبتليه بشوكة في رجلوا
انت تعرف هادولا جالسين يبكشوا علينا واحنا ياغافلين مصدقين ومسوين فيها حزانا بس تعرف يا واد يامراد اقول في نفسي في بعض المرات ياليتك يا واد ياعباس معاهم كنت والله لاسوي فيهم زي ماسوا اخونا اخو فريال واقطعهم وارمي جتتهم للكلاب كيف ياواد دحين هو دم الاخو مو غالي والله لاسوي فيهم اللي ماقدر يسويه سالم السرسري واخليهم يعرفوا ان الله حق اما بزوة هاداك الشيبة ماياخدوا في ايدي ولا خمسة دقايق هي بالكتير ستة دقايق وانا اكون سرقتلك ملابسهم وخليتهم من غير ملابس ياواد انا اعجبك دندون من يوم جابتني امي على وش هادي الارض
يلا ياحبايب خلوها تسالي ونعيش شويه مع الكلام هادا ويقولنا كل واحد فيكم ايش كان يقدر يسوي لو كان مكان هاداك السرسري سالم الجاك
|