[غنوة الحب]

[align=center]غيب البحر السفينه
وأختفت عنها فنارات المدينه
واصبحت قصه حزينه
لفها البحر ويبابه
واحتضنها لاجل يهديها الغموض
ولاجل يحضنها غيابه
والأمل بكل قسوه صك بابه



يا سفينة عشق خانتها الأماني
يا قصيدة جرح شاعرها يعاني
يا سفينه فارقت كل المواني
يا قصيده ضيعت كل المعاني



يا سفينه
خانت الريح الشراع
وأبتدت رحلة ضياع
ولا لقت بالبحر راحه
ضيعت كل المرافي
واختلف معنى السياحه



آهـ يا ربانها عشت المخاطر
صرت يا ربان في دنياك عابر
وفي الحقيقه كنت شاعر
لكن الحظ الردي بالوجه عاثر



يا قصيده
ضيع الشاعر قوافيها
وما ميز بحوره
لين صار الشعر ثوره
نجمها حرقة شعوره
بعد ما ضيع سروره
والحزن قد بان دوره
وما بقى له غير
بعض أوراق غرقانه وصوره



صوره فيها ذكريات لعمر ماضي
كان فيها البحر قاضي
والسفينه رغم قوتها
لها عمر افتراضي
عاتي الموج أكتنفها
والقدر لابد ماضي



وأنتهت قصه حزينه
للقصيده والسفينه
غادر الربان بحره
وهاجر الشاعر وشعره
وبقيت القصه حزينه
يا مدينه
ضيعت في بحرها
شاعر وربان وسفينه [/align]