[الوطن]

يحى : الوووووووووووه

عمر : هلا يحى

يحى : كيف الحال وش اخبارك وش رايك تجي معي نتمشى ويلا الاطاوله ابغى اصرف فلوس من الصراف ونرجع

عمر : بخير الله يسلمك لا والله مشغول وما اقدر اخلص الا الساعه 5

يحى : خير ان شاء الله اذا عندك شغل باجي اساعدك

عمر : عندي كذا شغل بسيط ولازم اخلصه الله يسلمك ما تقصر

يحى : طيب ما شي الحال امرك الساعه عشره نروح نسمر عند ابو عبدالله الرجال لنا مده ما زرناه وش رايك

عمر : خلاص مرني ونروح نزوره

ملاحظه ( صوت التلفزيون مرفوع يالله يسمع يحى عمر )




الساعه عشره ( 10 )
يحيى : وين الرجال هذا ادق عليه بوري عيا يخرج وش قصته خلني ادق عليه جوال طييييييييييييييط وينك يا عمر وش فيك ما تنزل انا عند الباب

عمر : طيب دقايق وانزل لك خلني اخلص اللي في ايدي

يحى : طيب بسرعه

ملا حظه صوت التلفزيون مرفوع

نزل عمر وركب السياره مع يحى وهو يقول الله يعدي اليوم هذا على خير

يحى : وش فيك كذا وجهك مصفر وتقول ميت واحد من اهلك

عمر : يا خي بالله روقنا تراها واصله كيس التنباك

يحى : افا وش فيك قلي يا خوي اذا عندك مشكله في البيت نأجل السهره اليوم وايام الله مديده نروح في وقت ثاني لابو عبدالله

عمر : يا خي قلبي ياجعني واحس نبضاته سريعه ومدري وش فيني

يحى : ياولد وش فيك قلي لا تموت علينا

عمر : الله يلعن المسلسلات واللي جابها والله ما شفنا من وراها الا الضغط والسكر

يحى : اي مسلسلات

عمر : يا خي شكلك انت عايش في عالم مزحلط ولا تدري عن اللي يسير حولك ما تدري ان تيم قتل يحى وهو في العنايه المركزه وبين الحياة والموت ومهند طعنوه الحراميه الله لا يوفقهم وراحت فيها كليته ومنوم في العانيه المركزه ولا ندري يعيش والا يموت 0000 اقسم بالله يا اظافيري اكلتها وا ما ادري عن نفسي , يا خي الاتراك هذول سحروا الناس بمسلسلاتهم وسببوا لهم الضغط والسكر والله يستر لا تجينا الجلطه

يحى : لا حول ولا قوة الا بالله 0000 انا لله وانا اليه راجعون كل هذا يسير وانا ما ادري 0000000000 يا خي استح على وجهك هذا كبرك وتتابع مسلسلات الدجل والخرافات يا اخي اتق الله هذه مسلسلات الغرض منها اشغال قلوب الناس عن اساسيات الحياة وتلهيهم عن امور اسرهم وتوقظ مشاعرهم النائمه من خلال مشاهد غراميه خرافيه هزليه اباحيه ساذجه تنبذها العقول الناضجه وتحبها العقول الخاويه والقلوب الاسفنجيه الفارغه وتتراقص مع سراب اطيافها مشاعر اهل العقول الناعمه لتسيطر على قلوبها لتفتح بابا جديدا مميزا ونوعا ذواقا ومشوقا من انواع الغزو العاطفي من قبل الدوله المريضه ( تركيا ) نسال الله ان يهدينا سبيل الهدايه ويصلح ابنائنا وبناتنا ويرشدهم لكل مافيه خير
يا عمر اشغل اوقاتك بما يفيدك ويفيد عائلتك واملأ اوقاتك بذكر الله قال الله تعالى ( الا بذكر الله تطمئن القلوب )

لطفك بعبادك يا رب العباد ( ولو دخلوا جحر ضب لدخلتموه)

اقبلوا دعوات الوطن بشهر مبارك ويجعلنا ممن يصومه ويقومه ايمانا واحتسابا لوجهه الكريم


دمتم سالمين غانمين