[الســرف]

من هجركم دمعي على الخد سكّاب
ومن جوركم ضاقت عليّ المداهيـل

عزاه يا سحر النواظـر والالبـــــــاب
ضاع الوفا وانبتّ حبل المواصيـل

لا هاتف يزهــــم ولا واحـــــــد جـاب
منك الخبر والا العتـب بالمراسيـل

ترى الزعل من دون شرح للاسبــاب
يجعل لتشكيـك العـواذل مداخيـل

اللي لهم عاده بتشتيـت الاصحـــاب
من يمّهم لا تسمـع القـال والقيـل

لا من تعكّر يالغضي صفو الاحبـاب
عاداتهم نصب الشـرك والمحابيـل

وش خانة الصحبه بلا ود وعتـــــاب
وش خانـة الرفقـه بليّـا تعاليــــل

لا صار قلب الخل في الخل مرتـــاب
وش عاد يبقـى للقلـوب المغاليـل