[شذى الريحان]

الله يعينك والله على العزوبية
دوبي حطيت موضوع في الاستراحة كانه انتا المقصود

المهم
شوربة الحب
المقادير
3فناجين شاهي حب
طماطم معصورة
بصل وثوم مفروم
شوية ابازير هيل قرفة قرنفل فلفل اسود((غير مطحونة)
ماجي
صلصة السعودية نص ملعقة
ملح
الطريقة
ممكن تكشن البصل والثوم مع شوية زيت
واذا ماعندك وقت او ماتحب الكشنة
جيب قدر وحط المقادير كلها
مع بعض مع 7كاسات موية
حسب نوع الحب الافضل الحب المجروش
وخليه لمدة ساعة تقريبا مايمديك تذوق لانك صايم ممكن بالنظر تشوف الحب استوى ولالا
ممكن تسوي الشوربة في الليل اذا تبغا تذوق
&&&&&&&&
شوربة الكويكر
المقادير
بصل وثوم مفروم
طماطم معصورة وشوية صلصة طماطم
ملح فلفل اسود مطحون
الطريقة
كشن البصل والثوم ماادري ايش تقولو للكشنة اقصد تحمر البصل والثوم
لحد مايصير اللون ذهبي واضيف الطماطم والصلصة والملح والفلفل الاسود
وحط 7كاسات موية
وبعدين حط كاسة الاربع كويكر
وقلبها بخفاق البيض علشان لا(((يتكلكع)قصدي يصير مجمع
اذا ماعندك خفاقة بيض انصحك اشتري او قلب بالملعقة طول ماالقدر على النار
لمدة خمسة دقايق
ممكن اذا تبغا تضيف نص دجاجة مقطعة لازم تستوي اول شي الدجاجة بعدين تضيف الكويكر
اذا تبغا تحط ماجي لاتحط ملح
&&&&&
دجاج في الفرن
هادي الطبخة ماتتعبك وتنفع العزوبية
دجاجة مقطعة بالنص
بطاطس مقشر ومقطع مربعات
بصل وثوم مقطع دوائر
طماطم مقطعة حسب ماتبغا
ابازير فلفل اسود وملح او ماجي
ممكن اذا تبغا خضار جزر او فاصوليا
او ممكن الخضار الجاهزة في كيس في السوبرماركت
تحط الدجاج في صينية وتحط كل شي عليه وتضيف الملح والابازير
وتتبل الدجاج والخضار مع بعض
اذا تبغا تحط ماجي ذوب الماجي في موية دافية
واضيفها على الخليط وحط عصير ليمون وطبعا كاسة موية لازم منها بالماجي ومن غير الماجي
بعدين لف الصينية بقصدير ودخلها الفرن لمدة ساعة من تحت وفوق
اذا تبغاها تحمر من فوق بعد ماتستوي شيل القصدير وخليها تحمر من فوق
تاكلها مع الرز الابيض
&&&&&
الرز الابيض لثلاثة انفار
كاستين ونص رز مزة افضل شي
4كاسات موية او اقل
ملح زيت عافية نص فنجان
غسل الرز وحطه في القدر واضيف الزيت والملح والموية
وخليه على نار متوسطة
وبالعافية
&&&&
مكرونة بالتونة
اسلق المكرونة وصفيها بعد ماتستوي
وبعدين حط في قدر نص فنجان زيت وحط بصل وثوم مفروم او مقطع
وبعدين حط علبة تونة وصلصة السعودية زي ماتبغا اللون اللي يناسبك
وبعدين حط المكرونة والملح او الماجي وقلبها على نار هادئة
وبالعافية
ماتتعبك لان التونة جاهزة
واتمنى اكون افدتك واسال الله انه يتقبل منا ومنكم
والله يعينك ويساعدك