[الســرف]

واخيرا لقيت واحد يقرب لي من الطفش << احس اني بضمك وننتحر سوا << لالاموبايلي هع
حتى انا صدق مرات اقول ابغى انتحر بس ياخي اخاف اموت
بفضفض لك ولايهون المشاهدين مدام انك فضفضت لنا

ياخي ان مشكلتي في ابوي يعاملني كأني بزر

اروح اشتري شيء يقول بكم اقول بـ 500 يقول ضحكوا عليك يا حمااااااار لو انا كان شريت اللي جايبه بميتين !!
وتعلمت اني اكذب .. صرت اذا شريت بـ 500 اقوله شريتها بميتين .. وبرضه يقولي لعبوا عليك يا سطل .. لو انا كان شريتها بـ 90 ريال !!!
اقول شريتها ببلاش يقول غبي وحمااااااااااار لو انا بدالك كان عطونيها ببلاااااااااااش وفوقها جمس عبارتين وارض في الحمراء!!
المهم قلت بثبت له رجولتي
وتذكرت بيت شعر قديم يقول :

ضيدان ما ودك نشكل عصابه ... نحتل بعض بنوكها والمحلات

اما يـجـيلي ولـك قـدر ومـهـابه ... والا تـبـيـتـنا بيات الشريفات

الرجل ودك يشتهر في شـبابـه ... بالطـيـب والا بالعلوم الرديات

ولا يهتني في اكله ولافي شرابه ... حتى يطالع صورته في المجلات


فكرت وقالت مالها الا صديق "الدشره " ونسه .<< هذا ساكن بحارة تعال ابغاك في هرجه
دقيت عليه اللي كل العالم تقول عنه ردي وصايع وضايع كود يسعفني ويعطيني كم علم ردي امشي فيه حالي !! اتصلت عليه وقلت له على الموضوع من طقطق الى اس اس .. ضحك ضحكة استاذ كبير وقالي .. يا بعدي انت عظمك طري يبي لنا نبدا معك من الاساسيات .. من 101 صع ( صياعه ) 101 دشر .. ولازم نعطيك كتاب ( مدخل الى العلوم الرديه ) تأليف ابو ركبه الله يفك سجنه ... قلت ما يخالف سجل اسامي هالكتب وبروح جرير والا العبيكان اشتريها .. ضحك حتى خرجت بضع سجاير حشيش من فمه كان موزيها عن الشرطه وقالي .. يا خي هذا ماتحصلها هناك .. هذي تاخذها على شكل ابر في الوريد خأه خأه خأه << ضحكة الماخوذ .. قلت المهم شف لي هالحين علم ردي على خفيف للمبتدئين اتعبر فيع لين الله يفرجها ...!!!

قالي شف اذا بتسرق اسرق جمل .. وماهنا جمل ازين من البنك ... رح شف لك بنك وطب فيه وتخير من خزنته ما لذ وطاب من الريالات والدولارات والباوندات .. واوصيك بالشيكات السياحيه .. لا تاخذها فيها لومة لائم ...!!

وافرح وارقص بالغرفه لوحدي " طائر النورس حلق حلق حلق " انا اوريك يا يبه ان ماخليتك تقول عني رجال ما اكون ابو لا يمكن العثورعليه ..!! رحت لونسه وعقدنا جلسة عمل وقدمت ورقة عمل فيها اقتراحي بسرقة البنك .. قام وضمني وقال والدموع تترقرق في عينيه .. اييييييييييييه هذا الوحش .. اييييييييييه هالحين انتي اخوي صدق اللي افتخر فيه قدام الشله في خامس / ج .. سر ونحن من ورائك .. وقلدني نيشان داشر من الدرجة الاولى .. وعلى نغمات ( فوق الخيل فوق الخيل ..) خرجت من عنده وانا كل ثقه في اني اخترت العلم الردي المناسب واللي احس انه مفصل علشاني !!!

رحت لم بنك الراجحي اللي في اخر الشارع بس هونت لا اسرقه يوم تذكرت اني فاتح حساب عندهم .. خفت تروح دراهمي ثم افلس ولا القا احد يعوضني .. !!!

بعدين قلت بروح اسرق بنك سامبا بس هونت يوم تذكرت ان لغتي مااااااااش لحد ثانكيو وانت نازل .. خفت اتوهق لا يكون مكتوب على الخزنه بالانقليزي ولا اعرف اقراه .. !! بعدين قلت باسرق الفرنسي بس مااااااااااااااش يبي لي اجيه من وراااااا !! قصدي من الباب الخلفي .. والباب من جهة سوق يعني ممكن احد يشوفني !!!

طيب والحل ...!!! ايووووه مافي غيره اروح اسرق بنك الجزيره .. بنك صاد ولا حولك احد ولا فيه الا شوية عملاء يعني ماراح يلزمون على الشرطه يدورون الحرامي وبعدين كل عملاهم هنود وباكستانيين يعني مافيهم هوامير ولا ناس واصلين تقول يمكن يشغل علاقاته ويجيبون خبري !!


لبست عدة الشغل وصليت ركعتين ويوم جات الساعه 2 الفجر << قدييييييييييم هالحين الحراميه يسرقون في عز الظهر ههههههههههه !! .. يوم جات 2 الفجر رحت لم بنك الجزيره بس مالقيت ولا فرع له !!!!!!!! وادور وادور منا ومناك يمين يسار فوق تحت .. اااااااابدا ولافرع !! اتصلت على العقل المدبر ونسه قام اتصل على 905 وعطوه رقم فرع من الفروع .. خذت الرقم واتصلت ورد علي الحارس .. قلت له انت الحارس .. قال ايه .. قلت متى بتنام قال الحين قالت له : تصبح على خير !! عطيته ساعه ثم رحت لم الفرع لقيته ظلااااااااام ولا حولك احد !! وفعلا طلعت المفك من جيبي وفكيت الباب الخلفي ودخلت وتك تك تك تك << يقالك ماشي على اطراف اصابعه .. << قصر صوتك لا احد يسمعنا !! الغريب مافيه ولا حااااارس ولاشي .. والابواب من جوه مفتوحه واناظر الا الخزنه قدامي .. اللهم لك الحمد على نياتكم ترزقون .. وما امداني امد ايدي على الدراهم الا وصوت فلاشات تشك تشك تشك .. والشرطه من حولي والقنوات الفضائيه والعالم .. شوي الا انا تاليني من شوشتي على السياره .. طيب وشلون عرفوا وشلون دروا عن الخطه .. تجيكم السالفه ..


ونسه يوم اتصل على 905 سأله الموظف الملقوف وقالها وش تبي برقم البنك الساعه 2 الفجر والبنك الحين مافيه لا شغل ولاشي !!

قام على باله زعيم عصابه وقال.. نيأ نيأ نيأ بالعكس .. احسن شغل يبدا بعد 2 الفجر !!!!!!!!!!!!

الموظف ارتاب في القصه واتصل على الشرطه .. وعلمهم بالسالفه ...!!!


جا ابوي وقالي يا حمااااااااااااااااار ليش تسوي كذا .. !!!

قلت له غصبٍ علي وعلمته بسالفة القصيده وكيف اثرت علي تهئ تئهئ !!

قال ابوي شفت انك حمار يا حمار .. هالحين هالابيات لها رد ورا ما سمعته !! قلت وشو لها رد .. انا ما سمعت الا ذي بس !! قال ابوي اجل اسمع الرد حق ضيدان ..

لا تحسبنا يا سعد وسط غابه ... هاللي تطالعهن تراهن عمارات

وموضوعك اللي جبت كله غرابه ... والظاهر انه سابع المستحيلات

ويابوك ماعمري دخلت النيابه ... ولا باقيٍ في العمر مقدار مافات

اخاف لا تنبح علينا الكلابه ... ثم هات نسلم من مخاليبها هات

وان كان تبغا الراي قبل ايغدابه ... من واحدٍ جرب جميع الحيالات

خل الحطب للي يعرف الحطابه ... نهارنا شمسٍ وفـ الليل لمبات


وبعدها ابوي طبع كف على القفا متبوعه بـ يا حماااااااااااااااااااااااااااااااااااااااااااااااا اااااااار !!

مايحق لي بعد انا انتحر


عاد اذا صدقت السالفه والقصه انها لي روح انتحر احسن لك