صباحكم ورد
بنتكلم عن الورد وبس
الورد اللغه اللي تفتح النفس اول ما تشوفها
ضايق صدرك ؟؟؟ ادخل محل ورد وناظر وشم الريحه
قرفان من حياتك ؟؟؟ دور لك محل ورد واشتر لك ورده وحده واقعد شمشم وتخيل انك رومنسي
عندك زاويه فاضيه في البيت؟؟؟ رح لمحل ابو ريالين واشتر لك ورد بلاستك والا مجفف
احد زعلان عليك ؟؟؟ دور لك ورده والا ارسل صورة ورده وخلاص
لكن لكن لكن
بتتزوجين لا ترسلين احد يشتري لك ورد
دبري عمرك انتي
واحد من الشباب الله يستر علينا عليه ارسلوه يجيب ورد للعروس
والمشكله توهم يتذكرون قبل الزفه
خوينا طلع وترك الحفله وراح يشتري الورد خلص العرس والمسكينه تنتظر الورد
يحلفون انهم نتفوا ورد الكوشه وتبرعت الضيفات اللي بشبصه واللي ببكلة بنتها واللي ما قصرت
مزعت الورده اللي بفستان شغالتها عشان يرمون الورد
وخوينا يدور بالورد
الحين بعد شهرين من الزواج الله يتمم لهم بخير
حصلوا آثار الورد في السياره ، الظاهر ان خوينا اعجبته ريحة الورد
وقعد يشمشم وداخ
....
ترى خوينا ماهو معنا في المنتدى ابدا
