[صالح بن فارس]

بسم الله الرحمن الرحيم

طازه لقلوبكم الطاهرة ..



قيام .. قعود .. إنصراف ..
والعصايه تجلد ظهور ا لخراف !!
تصفيق حار ..
لكل الطلاب الشطار ..
ابن الوكيل أحمد ..
ابن المدير نهار !!

***
عاصي جدا ..
حتى لو كنت قاعد ؟!
غبي مهمل ..
ولا لك في القواعد ..
هادي طبعك ..
وساقينك تراعد ..
تدري ..
خلك كذا على طول مسالم ..
ومالحين فكر في التقاعد !!
لأنك بكل أريحيه .. تحمل فكر واعد ؟!
عموما راح تنجح ..
وتصبح الثاني مكرر ..
لأن الأول اببساطه ..
محجوز المقاعد ؟!
***
لا تخاف ..
فسحتك سندوتشة جبن ..
ابجرايد أمس ملفوفه ..
فسحته كلب ساندوتش وعصير .. وخمسين مصروفه ..
لا تخاف ..
دام الوطن بكل خيراته أغدق كفوفه ..
على أبوه .. واصحك تقول بيوم مزروفه ؟!
لا تخاف ..
وإنت الأمل عايش ابيدين مكروفه !!
لا تخاف ..
حط وجهك على الحيطه ..
ارفع ارجولك اليمنى ويدينك .. تراها اليوم تبليطه !!
ولا تلف وجهك .. خذ الحيطه ..
من يلتفت .. المدرس بطبشوره يشيطه ..
لا تخاف ..
كل شي ما شي حسب الخطه ..
لا تخاف ..
ابتوصل آخر محطه ..
أؤكد لك راح توصل ..
لا تخاف ..
دام مصروفك ريالين ملفوفه ..
ودعوه صادقه ..
من أم ملهوفه ؟!!


مع ودي ؛؛