[ملف ضآيع]

[align=center] .. ســلآمـ عليكــم ..

- قبل ما أبـدا موضوعـي ,, عنــدي نقطـة ســريعــة
1 - ان مو مسجل هنآ الا حب فيييييكم واللـه ,, لا اقــل ولا اكثــر ,, بس كلااام التجريح مالـه داعـي
يعني اللي يبي يجرح على الخآص ,, وهنآك ارفع دبل ونآ اكبس لـــك

× × × ×
-- بسم الله نبــدأ --



الله مير انه يحيي (هـالخشش) الحلوة كلها .. يسعد لي مساء (هالكشرات) كلبوها

ولو إني داري انكم مادخلتوا الموضوع لعيون( VIP ) ..لكن كله على شان طاري (ســارة ) بس مومهم

يالربع واحدن ماجاءه النـــوم وش يســوي ,, قلـت خلينآ نجي هنآ ونعطيييييييكم شلخ
محترررم كالعـادة ,, ونتكسب فيكم أجـــر ,, بس والله مير من الله الا هالطفش و فيني
كتابة <-- يدهـ تحكــة

× × × ×


اليوم انا ابعترف لكم بسر كبير كبيير كبييير
وبقولكم وبحكيلكم عن جانب مظلم في حياتي وشخصيتي وكياني ،، ابقولكم شي عني انتم ماتعرفونه ..

وكنت مخبيه عنكم لكن بعد اللي حصل قررت افضح نفسي أمام الملأ (( يعني انتم ))
حتى اكون عبره لمن لا يعتبر ،، <--- اروح وطي معآ هاتعبير


السالفة ومافيها اني انا يا ماحتسيكم مريت بتجربة حب فاشلة بكل المقاييس بل انها حاصلة على شهادة الأيزو 9002 في الفشل
تجربة حبي العذري والطاهر البريء كتب لها الموت قبل ولادتها لإنها كانت من طرف وجانب واحد اللي هو انا !!

بإختصار شديد اول مادخلت عالم النت وبدى شغل التميلح والترزز بالمنتديات وقدام الجنس الناعم ،، والترقيم اللا مباشر بالإيميل ادريس الخاص فيني


حيث انني كنت ارز مسنجري بعد كل موضوع اكتبه او اشارك فيه عل وعسى تلقطه فرفورة هواها شرقي وتحب الطهبلة وسعة الصدر !!

وفي يوم دخلت المسنجر ولقيت اضافة من بنت ناعمة وحنونة ومبين عليها انها حبوبة موووت واسمها ســـارة ،،

كنت لما اكلمها احس برعشة وقشعريرة .. احس برهبة واثارة ،، بإختصار احس اني حزمة مشاعر تحترق في لهيب حبها .

كانت ســـارة تقول انها تحبني وتموت فيني وانا ياغافل لك الله صدقتها لدرجة اني كنت افز من نومي كني مقروص وانادي بإسمها والصدى ردد نداي

" ســــارة ســــــــــــــارة ســـــــااااارة ســــــااااااااااارة " <-- خلاص يكفي


صرت امشي بالبيت وانا اهذري بإسمها ســـارة عمري وحياتي،، ســارة عشقي الأبدي ،،

ماخليت جدار في بيتنا الا واكتب عليه اسمها .. ومرات ارسم قلب مطعون بخنجر وتنزل منه قطرات دم واحط اول حرف من اسمي واول حرف من اسمها
امي قالت لابوي عن وضعي وابوي ماقصر مافيه مطوع الا ووداني له عشان يتفل بوجهي ..
وفي يوم قابلت ســارة بالمسنجر قلتلها ارحميني ياســارة ارحميني برحمة من ربك وقابليني انا لازم اشوفك

قالت ســــارة بكل عنجهيه اقابلك؟!! لالالا مايصحش انا بنت ناس ومتربية !!
قلت يابنت الحلال انا غرضي شريف وبخطبك وباخذك على سنة الله ورسوله لكن مايصير احبك من ورى الشاشة لازم اشوفك انا وضعي مزري لازم اعرف كيف اتخيلك ابي اشوف ملامحك

قالت ســــــارة خلاص بقابلك بس بشرط يكون بمكان عام ...
قلت ان بغيتي اقابلك فيوم 25 من الشهر صرف الرواتب في وسط كارفوريعني قمة الزحمة اهم شي اشوفك

قــالــت ســــــارة : شوف تعرف رئاسة الحرس الوطني اللي في الربوة ؟؟

قلت انا وراسي كله علامات تعجب ايه اعرفها بس ليششش؟؟؟
قالت اوكي تجيني عند رئاسة الحرس الوطني يوم الخميس الصباح ،،

رحت لحلاق اوكسجين قسم العرسان ومافيه فوطة ولاليفة الا وفرك خشتي فيها

اقسم بالله جواد العلي يدق لي اصبع اذا مريت من عنده ،،

المهم مالكم بالطويلة انتظرت وانتظرت وانتظرت لين جت الساعة وحدة بالظهر في عز ام القايلة حتى الميك اب اخترب

المهم جت الساعة وحدة والي والله هذا جيب الشرطة العسكرية يحوم عندي واشوف العسكري بس يناظرني

بعد مااخذ الفرة خمس طعش حولي سفط الجيب قدامي ونزل العسكري اللي يسوق الجيب طبعا مايحتاج اقولكم انه سحب البنطلون وشده للأعلى اول مانزل بحكم ان كرشته متسفطه (( عسكري سعودي))

المهم قالي اثباتك؟

عطيته الإثبات ويديني تراعد كنها محطوطة عالهزاز قالي وش عندك واقف هنيا؟؟ انت ماتدري ان هذي رئاسة الحرس الوطني؟؟

قلت اي هاف اديت؟؟ قال ابك انت شتقول..؟!
المهم ان العسكري يضحك ضحكة صفراء فهمت انه عارف انا ليه متكشخ وواقف هنا

قالي بصوت مستحي .. ماجت ســـــــــــــــارة؟؟


انا ام العبيد قامت تطاير قدامي قلت وش ســـــارة ؟؟ <- ياعمري عالبرأه
قال انا ســـــارة يالخجمه هيهيهيهيهيه


والله يا جماعة اني تمنيت اني منصفق بوجهي بعمود كرباج او راشقين علي موية نار

ياجماعة ســـــارة طلع جندي اول بالحرس الوطني واسمه خلف الشيباني وله سكسوكة يخرب بيت امه اااااااااااااااااااااااااااااااااااااااااااااااااا ه يالقهر ياخسارة عمري اللي ضاع

ياخسارة الكتابة على الجدران واللي امي تمشي وراي وتمسح فيها

ياخسارة ياخسارة

فهموني يا جماعة الخير انا تعقدت اقسم بالله ماعاد اصدق ان فيه حريم الا امي وجدتي وخالتي هيله ولو اني ماشفت وجيههم كان اشك فيهم بعد



× × × ×

مشرفين \\ شباب ,, لحدن يجي يطآمر ومطفي النور ومشغل السكن ويشربك بالبوري ويمشي 180 يقول ( ياكافر يا فاجر ) تجي تجاهر بمعصيتك قدام
الخلق ,, ارد عليييه هــدي السرعه لاعدمتك .. لا تروح في الصبه ثم نبلش بك

ركود ركود طــارق موجود ,, هالكلام كلـه مثل ماقلت اعـلاه انه شــلخ
<- ومفروض تغييييرون رتبتي الى ( شــــــــلاخ مثقف )
هالكلام كتبته لعــدة فـــوائــــد :- <--- اروح مرقوق معآ فوائدك <- على شحــم

1- اذا رأيـت نك نيم بنـاتــي ,, فلا تجي تطآمـر بسسرعـة اركد يا ( شنب ) هههههههه
2- ولا تصدقون ان الغزل فيه سعاده .. ترى مافيه الا الشقاء .. <-- صح عليه
المرسل : أ ب ت ث ج ح خ د ذ ع غ س ص ض ..الخ الخ كل حروف الهجاء

أخــوكــم \ طـــارق
[/align]