[العندليب]

بدون مقدمات << الأخ معصب مرررهـ ..

أنا بحكي لكم قصتي وأنا ي خط الرياض قبل شهر وأنتوا أعطوني الحل ....

بسم الله نبدأ ..

أخوكم في الله أخذ إجازهـ الشهر اللي راح ..

دعيت دعاء السفر وسميت بالرحمن وتوكلت على الله ومسكت الخط ..

المهم وأنا مسافر من الرياض للطايف .. طبعاً الطايف إستراحه والإ أنا ماشي على الديرهـ ..

المهم ,,

وأنا ماشي تقريباً 140 كم وعلى طول أول نقطة تفتيش وقف ..

بدون سلاام هات الرخصه والإستمارة ووقف على جنب ..

أعطيته الرخصه ..

ويوم جيت الإ والأخ مجهز القسيمه على طول بدون تفاهم طلع علي بلااغ من أمن الطرق ..

المهم أني أخذت القسيمه ومشيت ..

وأحرك من عندهـ ..

وأول مركز تفتيش بعد اللي اللي أخذت فيه قسيمه ..


وبرضوا بدون سلاام الرخصه والإستمارهـ ..


أعطيته الرخصه وقالي يازهراني ليه مسرع عليك بلااغ المهم وأنا أتكلم معه وقلت له تراني ماشي 140 وإنت عارف خط الرياض ممل ووحداني ..

وقلت له توي ماخذ قسيمه .. قالي جبها <<

قلت الحمد لله فرجت ..


وأثاري الرجال يقلب في الإستمارهـ ..<< طبعاً الإستماره منتهيهـ ..


قاي ليه الإستماره منتهيه قلت والله عليه قسايم وإن شاء الله أسددها وأجدد الإستمارهـ ..

أثاري الرجال يكلمني ويكتب في القسيمه ..


المهم رحت من عندهـ والأخلاق قافله يعني لازم يعطيني قسيمه ..


المهم حركت من عندهـ ..


(( أسمعوا والله أني صادق في كل كلمه ولا أبالغ ))

أنتوا أسمعوا وأحكموا ..



المهم


حركت من عندهـ ..


والتفتيش اللي بعدهـ ..


ونفس الحكايه مبلغين علي سرعهـ ..


كأن مافي خط الرياض الإ أنا ..


ونفس الموال وقفوني في التفتيش وعلى طول بدون مقدمات الرخصه والإستمارهـ ..


أنا على طول قبل مايتهور ويكتب القسيمه قلت له تراني ماخذ قسيمتين ..


سرعهـ + إستماره منتهيه ..


قلب وصلق .. وطالعت في عيونه وكأنه يقول ماخذ قسيمه ماخذها الله لايعيق بشر ..



فكر الرجال شويه وعلى طول قال ليه مظلل السيارهـ


قلت اللي أعرفه إن التظليل مسموح في الخط تبغى الشمس تصلخنيه ..


الرجال ما أعطاني فرصه على طول حصل المخرج وكتب لي قسيمة تظليل ..


صارت ثلاث قسايم ومابينها الإ ساعتين كلها ..


المهم ماقدرت أتفاهم معه وقفلت الأخلاق وبدل ماكنت أمشي 140 خليتها 180 قلت خربانه خربانه ..

<<<< الخساره عليك لوجاك شي ما أحد بينفعك ..



المهم وأنا في طريق وقربت من الطايف قلت أبغى أحطم الرقم القياسي في القسايم ..

ويوم قربت من نقطة التفتيش اللي في الطايف وأفك الحزام أدمنت على القسايم ..

(( والله ما أقول الإ الصدق ليه كلكم تطالعون ))

لا أحد يقول كذاب ..



المهم وصلت النقطه وفكيت القزاز ولكن المرهـ هذي ماطلب الرخصه ولا الإستمارهـ ,,

بس قالي ليه ماتربط الحزام ..


قلت أبغى قسيمه <<


العسكري طالع فيه بإستغراب وقالي ليه ..

عاد انا طلعت القسايم الثلاث وقلت شف هذي قسايم توي ماخذها وما باقي الإ قسيمه على الحزام إذا بتتجمل معي ..


عرف أني أقولها وأنا مقهور ..

طالع فيه بإبتسامه وقالي رح الله يعينك ويوفقك ...




......


الغريبه وأنا راجع ما أحد عطاني قسيمه مع أني ماشي بنفس السرعه تدرون ليه ..

لأن عيالي كانوا معي ,,

(( أكتشفت وقتها إن المرور يساعد الشباب على الزواج )) عشان ماياخذوا قسايم

طيب وش الحل ..

بس الله يرحم والديكم لا تقولوا لي أمش 120 لأن خط الرياض يجيب الضغط ..


ولا تقولوا لي لا تسافر الإ وعيالك معك لأني أحياناً أكون عزابي ...


ولا تقولوا لي جدد الإستمارهـ لأن القسايم زادت عليه ..


وبالنسبه للتظليل ماني شايله << كيفي ..



المهم شوفوا لي حل مع خط الرياض ...



خلاص أنتهت قصتي مع خط الرياض مابقي شي القسايم وأخذناها ..

وباقي الحل .... عليكم ,,




أخوكم .. أبو صالح ..

[grade="00008B FF6347 008000 4B0082 FFA500"]توي جاي من الإجازهـ نسيت أقولكم .. كل عام وأنتم بخير .. ورمضان كريم .. [/grade]