[علي الزهراني]

[poem=font="Simplified Arabic,4,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
طفح كيل الحزن وانا وسط بحر الوجـع غرقـان=رياح الصمت تعصف بي وتصرخ كـل أطرافـي
وحيد وداخلـي تسكـن، أمانـي مالهـا عنـوان=صحيت اليوم لكنـي، أحـس الكـون ذا غافـي
أنا الهارب ويطردنـي سـراب البعـد والنسيـان=لبست الدرب أو يعني عرفـت أن الزمـن حافـي
تخاويني كثير أدروب، تسافر بي كثيـر أوطـان=محطـات الألـم تعـرف تقاسيمـي و أوصافـي
عرفت الموج والساحل عرف الريـح و الطوفـان=عرفـت البحـر لكنـه، خذلنـي فيـه مجدافـي
نبت غصن الآسى ذابل، جنيت من الغصن حرمان=سترت الجرح لكنـي عجـزت اغطـي أكتافـي
قضى عمري وأنا أبحث عن الانسان في الانسان!=أدور عن بقايا شخص يفضـح سـري الخافـي؟
أدور فرحتي (أبره) وسط قشـة ألـم وأحـزان=ادور في (صقيع) الكـون بقايـا حضنـي الدافـي
أدور عن حياتي بين، ضيـق العمـر والأكفـان=أدور شخـص يبقـى للمحبـة وللـوفـا وافــي
أدور عمر مايعـرف، بعمـره سيـرة الاحـزان=أدور لليل أسكن بـه، ويسكـن داخـل ألحافـي
خسرت الحلـم لكنـي وقفـت بعـزة الربحـان=مثل ذيك النخيل اللي تصـارع سطـوت السافـي
سألت الليل من فينا قضـى ليـل العنـا سهـران=طلبني الليل في حسره دخيلك (ياعلـي) كافـي[/poem]

http://www.okaz.com.sa/okaz/osf/2007...0702122212.htm
القصيدة نشرت في جريدة عكاظ الإثنين 17/06/1428هـ ) 02/ يوليو/2007 العدد : 2206