[فراشه شفافه]

أنا و قلبي صرخنا الآه شربنا الهم و ضـــــاق البــــــال
بقت لي بسمةٍ ميْته و ليل(ن) موحش(ن) حالك

بقى لي في السما نجم(ن) عشق حلّي مع الترحال
قساوة قصتي تجْبره يمـــــوت و يحترق هـــــالك

و ليفي يا بعد عمري جفـــــــــا قلبك يهــــد اجبــــــال
وش اللي يجبرك تقسى وش اللي غير أحـــوالك

تبي ترفـــــع مقاديـــــرك و تدفـــن عزتـــي برمـــــال
نويت اتذلنـي و آنــــا و لا فكــــرت (ف) اذلالك

تنادي بالقطيعه قمت تهجــــــر و العشـــــق لازال
ينبض في خفوق القلب يبكي يطلــب اوصــــالك

يركع في ثرى دربك و ارى قلبك تمادى و مــــــال
بعيد(ن) يبتسم يضحك .. و اشوفه مهتني بـــالك

أزحف و اتبعك و ارضيك و اخضع و اطلبك لوصـــــــال
لجل عشره جديمه حس و ارحم من سعى جالك

دخيلك مد لي إيدك و انـــــا صونك ... وعد رجّــــــــال
يشهق آخر أنفاســـــه يبيع الكــــون لو طــــــالك

أحبك حب ما حبّـــــه غمـــــد السيــــف للأبطــــــال
أحبك حب بعثرني و جعلني أعشــــق أفعـــــالك

أحبك حب جنن بي و جعلني أركـــــــب الأهــــــوال
جعلني أعشقك بجنون أمـــوت و الله و أحيــــا لك

أنــــا مـــن زود حبي لك بنيــــــت ابهئتك تمثـــــــال
و لو ما الخوف من ربي سجـــد وجهي لتمثـــــالك

يموت العز في احضاني وسط قلبــــي فلا تختـــــال
كرامه و حب أبد ما يصير .. لابد واحد(ن) هــــــالك




[img]http://wejdan2004.********************************************/منقول.gif[/img]