[حسن الجابري]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
على الفال القديم ومنــتـهـاه ومــرحلـة مـبداه = ياليت العمر يرجع واختصر فيه اجمل (ا)سنيني
بدت رحلة عذابي مع بداية اول المشـــــــهاه = بدت جمره من الحــــــــــرمان لين الحين تكويني
بدون احدود اسافر والمدى مل الرحــيل وتاه = غريب اطوار في وجـــه الزمن ضاعت عناويني
فقدتك يا الهنا يامستـــحــــيل أتعبت انا واياه = عجزت اتخيلك حتى بمنــامي ماانت لاقيني
عرفتك شك صارم وانتظرت وما وصلت اتـــــلاه = عرفتك غير.. لكن بعـــــــد هذا طحت من عــــيني
سألني شخص معجب في قصيدي قال يامحـــلاه = سألني شــــــــــلون تكتب قلت هذا اللي معنيني
ماني بشاعر أنا أكتب عذابي وانظمه واقراه = ولكني مخاوي للشعر دامه يسليني
وانا ماني حواجز للحسود ومــقـــصــــده ومناه = يبيني عذر جامد لاهــــــــــدمني صعب يبنيني
انا واضح ماجي ضده لو ان اللى يبيه ابــغــــاه = كذا طبعي قنوع الكـــــــلــــــمة الحلوه تكفيني
الا يالله عفوك ياوســيــع المغفرة يا الله = انا عبدك تحت زرقــــــــــــة سماك ولاتخليني
وحيد مامعي غير الخــــــطايا واطلب المرضاه = بك آمــــنــــت ورضيت بكل ماتاخذ وتعطيني[/poem]