[العندليب]

بسم الله الرحمن الرحيم ...

طبعاً كلكم شفتوا كشتة البنات للبر ... الله لايبلانا بقيادة البرنسيسه وطبخ بنت شيوخ ..

تتذكروون العشا حقهكم أكيد لا ..

طيب أنا أذكركم ..الأخوااات في البر وتعشوا نواشف يعني جبنه وحلااوة طحينيه وزيتووون ..

وهذي الصورة تثبت ..



وهذي تهون بس أما عااد شربه يابنت شيوخ .. من وين جبتي فكرة الشربه في البر أمحق من كشته ..
عموما هذي صورة الشربه اللي طبختها بنت شيوخ ..



ههههه << ركزوا على القشطه اللي في يمين الصورة .. ولا وبعد الصحن البلاستيك اللي حاطين في فلفل يذكرني بمطعم بخاري كل ما أطلب نص حبه شوايه جاب لي مثله ..
عموماً مانبغى نتشمت بس تعالو شوفوا طلعت الشباب وطبخهم ماهو نواشف ..وحلاوة طحينيه ,,


طيب بسم الله ...

قررنا أنا والشباب نطلع البر .. وماخلينا ولا واااحد كلهم .. بقينا في مشكلة السيارة وأنحلت رحت أستأجرت من مكتب تأجير جيب شاص اللي فيه صندوق ..

ما أطول في القصه ماكان رافع ضغطي الإ السرف وراي وراي في كل شي ..

عااد جا وقت العشى قلت والله مايطبخ الإ أنا .. عاد أنا مهنتي الطبخ .. بس المشكلة في السرف ورايه ورايه ..
قلت يالله ينفع يقطع البصل ..

المهم سميت بالرحمن وأخذت العدة وخليت السرف يساعدني يجيب ويودي ..

وقبل أبدأ في العشا قلت لازم أسوي قهوه وشاهي على الجمر ...

ماهو مثل رحلتكم جايبين ثلاجات من البيت << الله لايبلانا ..

عاد وأنا أجهز القهوه والشااهي قلت لازم أسوي لهم تصبيره لأن العشا بيتأخر ,,,

مسكت السرف وقلت له ساعدني في لف السنبوسه ..

والرجال ماقصر لف حبتين وتعب المهم كملت الباقي وقليتها في الزيت .. وصلحت له عصير فمتوا (( حيخلصوووه))




بعد كذا الإ والسرف جايب معه كيس بطاطس كريسبي ويقول تكفى تكفى صلحها لي قلت طيب أبشر جب الزيت وحطها في الصينيه ..

حتى بطاطس مايعرف يقلي .. وش أسوي لازم أتحمله بعدين أبوه موصيني عليه





عاد بعد كذا أنا تفرغت للكبسة وسميت بالرحمن ..
طبعاً جايبن معنا تيس وذبحناه وصلخناه في البر ماهو حلاوه طحينيه وجبنه مثلثات .. وزيتوون ..
جهزت قدر الضغط وسويت الخلطات السريه .. والسرف جالس يطالع مايدري وش السالفه ..
وجلست أرتب الصحون لحد ماخلص العشا



بعدها جلس أفرغ العشاااء وأدور على السرف مالقيته جالس يبنظر الأخ جيعان من اللي شافه ..

المهم لا تفوتكم المرقة والله خياااليه ...



عاد يوم جا أخر الليل قالوا الشباب تكفى يابو صالح جيعانين قلت أبشروا بالسحور اللي تاكلون أصابعكم ورااه ماهوا شربه وحلاوة طحينيه

عاد وأنا أقووم واخذ الدجااج وأبهرة وأملحه وبسم الله حطيته في الشبك وعلى الجمر على طووول لحد ماتحمر ,,

وأخونا السرف راقد مسكين يقول صاحي من الصباح .. والله فاته الدجاج على الفحم ,,




وهذي هي كبسة الدجاج على الفحم ..



بس لا أحد يدقق على الكتشب هذا جايبه السرف مع الكرسبي وشافه واحد من الشباب ويحسبه سلطه حاااره، << الله لايفضحنا ..

وتوته ياتوته خلصة الحتوته ..

ها كيفني معكم في ملااحظااات فيه شي يابناات ... لا قولوا أحسن ..

ناس ماتجي الإ بالعين الحمراااء...


إن شاء الله أستمتعتوا بطلعتنا للبر ..


قصة وسيناريوا وحوار
أخوكم .. أبو صالح ..

أنتظرونا في طلعه ثانيه ,,