[عبدالرحمن الزهراني]

[frame="7 80"][poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لو مطار دبي قلبه يحس وله شعور=كان ماخلاك تقفي عن اربوعه وداع
قبل يشغلك السفر في ممرات الحضور=والخطى تنقلك بالعين قدر المستطاع
وقبل ماتغفاك بالعين لحظات السرور=وقبل ما تلعب بالاسماع كلمات الوداع
تسرقك عيني عن الناس في لحظة غرور= كنها خطفة بصر وانت مشبعة الجياع
كل بقعه في فوادي قبل شوفتك بور=وبعد شوفك صرت كلي لنظراتك بقاع
صدفة ٍ ما كان للشوق فيها أي دور=جت تواري فتنة الحب عن سقط المتاع
يا سمي الحسن يطغى على الموقف حبور=انتحار الشوف والقلب يحداه الضياع
كنت أظن الحسن عادل ولكن فيك جور=من سلاطين وملوك وبراثين السباع
عيطموس ٍ تشغل العين وتفزع تثور=كثر قهر العشق فيني براءات اليراع
واقفٍ بين انغمار المحاسن والظهور=للكلام الزين يرويك حسن الاستماع
والمحبة لحظة ٍ ما يولًدها السفور=لو يسوق القلب كثر الغلا والاندفاع
كم يغيظ الورد شمك لدخان وبخور =يحرق انفاسه غلا في يدين الانقشاع
وكم يبان الصبح مابين فجاتك سفور=وكم تغطا الليل بعيونك الهدب الجزاع
وكم يلف الخصر مابين حدينه ضمور=مقبل جايع ومقفي تضيق به الوساع
قبل تغرقني سوالفك قبل النور نور=قبل ما يلعب بالأنفاس وقت الاجتماع
قبل(جيفنشي) يطير بعبيره والعطور=وقبل حتى ما يزول النظر خذ الانطباع
خذ معك قلبي ولا تهمله بين السطور=واغرب بعيني وانا منك بالقلب الوجاع
ودي اعقد قمتيني على صدرك واثور=على البلد واعلن بدايات قوات الدفاع
واحلف اني بك ولك ما تفرقنا البحور=والعن ابو خامس الأنظمة رفض انصياع
ايه خذني مجرم الحب يا لول المحور=قايد اجيوش الغلا ليته يفض النزاع
ايه خذني بين كفين دعواتك شكور=لا عزمت الوصل وانا ذبحت الانقطاع
ماقوى التوديع قلبي بنقطات العبور=والدموع تسوق عينيك حزن والتياع
والرحيل المر حسره بنبضات الجسور=والغرق شي تخافه وتكره الارتفاع
وانا قدني غارق ٍ فيك لا حد الفجور=ضمني مابين عنقك وصدرك والذراع
واغرق انفاسي من انفاسك حروف وزهور=وازرع آهاتك بصدري وسرك ما يذاع
قبل ترحل عطني الحزن بيديني طيور=وسلم الدمعات في عيني الخرسا تباع
والنهايه ارحل معي بين خفقات الشعور= بس يدك لا تلوح لي بكلمة وداع [/poem][/frame]