[السلمي]

[align=center]السلام عليكم ورحمة الله وبركاته
هذه أول قصيدة لي في المنتدى ولكم مني جل الاحترام والتقدير
----------------
قرأت هذه القصيدة للشاعر مبارك السيد
والتي أسماها ( المبادرة ) وفيها يطلب التطبيع مع إسرائيل لأنه أحب يهودية ولم أستطع أن أدعها تمر مرور الكرام [/align]
[align=center]هذه قصيدته [/align]


[poem=font="Simplified Arabic,4,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
غصن زيتون في يدها حمام ابيض يطير اسراب= عنود اش ذنبها غير انها ولدت يهودية
رميت شماغي الاحمر عليها وارتدته حجاب= بدت ترضي مشاعر من عشقها فالعبودية
انوثتها صخب اخر جسدها الصارخ الجذاب= تضاريس الغت التاريخ والرسمة الحدودية
على حد النقا جينا حبايب وافترقنا اغراب= وكان اكبر ذنوب اتوسدت في عشق زنديه
يجوز من الكتاب اكتب على اهل الكتاب كتاب= اذا هو يجوز فالموضوع به روحة وردية
مع التطبيع بس بشرط يكون فصالح الاحباب= يهيه امزح معاكم وش ورى النظرات جدية
بعيد عن السياسة ولا انتميت فيوم للاحزاب= مغير ان قلتها قد قلتها احلام وردية
واذا هي السالفة الاقصى فانا اولكم بالمشعاب= بشرط نقفل الجلسة بدون حلول ودية
واذا هي السالفة شاعر بمحسوبية الاعراب= ابكتب حر واتخلص من قيود العمودية
ابقفل باب لاتفتح عليه هالقصيدة باب= وابفتح باب لا تقفل على لساني ويديه
وابدعو الرب مابدعو سوى دعوة ضعيف اسباب= اذا ما اسلمت يارب ان تصبح سعودية[/poem]


[align=center]وقد وردت في مجلة شمس على هذا الرابط [/align]
[align=center]هنا
ونوّه لها موقع شظايا أدبية على هذاالرابط
هنا[/align]
[align=center] وقد حاولت الابتعاد عن التجريح أو السب والشتم لأن ذلك ليس من أسلوب الشاعر
رغم أن قصيدته استفزتني كثيرا وكنت قادرا على ماهو أكثر من ذلك
ولكن التجريح ليس شيم الكرام والشعر رسالة والشاعر مبارك السيد قد استخدم الشعر في أغراض أخرى ونسي ان القصيدة قد يقرأها مراهق ويتأثر بها أو يستشهد بها أو ينشرها
وهذا ردي عليه[/align]



[poem=font="Simplified Arabic,4,royalblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
تمهّل يامبارك وانتبه ياكلك راس الداب= ترى لسان الرجل يرميه وسط بحور لجّية
تجرد من ثياب الشعر ..فصل لك جديد ثياب= وماظن الشماغ اللي رميت شماغ أصلية
وحنا واليهود اليوم مثل الناب يطحن ناب= نسيت ان المذابح كلها بيدين ساميّة ؟
تبي تطبيع ؟ لا والله وقدامه تروح رقاب= ترى بعض المزوح جروح واخر طبها الكيّة
غريبة كيف تعشقها وقلبك في هواها ذاب= مفاتنها لكل الناس والاجناس مبديّة
بنيّة في جسدها ريحة الخنزير والارهاب؟= تناصبنا العدا في شرعها سر وعلانيّة
دماء اطفالنا فالقدس شاهد في يديها خضاب= الا يامذبحة قانا وثارات الحسينيّة
لها عشرين معشوقٍ وقبلك ناهشتها ذياب= لكن استغفر الله من هواها واحسن النيّة
سلام الله على بنت الاصل والفصل والانساب= سلام الله على بنت النقا مني برديّة
عفيفة لاوطت رمل الصحاري تنبت الاعشاب = ولامرت بحر تفزع لها الدانة بحنيّة
تربت في بيوت الدين واهل العز والاحساب= سترها الله بستره عن عيون الناس محميّة
أبوها راعي الطالات دايم للنقا كسّاب = عزومه فالمواقف لاطرا الميقاف مثنيّة
كِرمتي يالسعودية عليك من الستر جلباب= و انا شاعر ودونك نار فكري فاللقا حيّة
الا ياراكعة ياساجدة يامنية الخطاب = من اثار السجود ابـ جبهتك يابنت ماريّة
ياليتك بس لو اتّوب والله يقبل التوّاب = واقول ان القصيدة جات في لحظات عفويّة
مادام انك تقول امزوح لاتامن لسان الداب= سياسة خالف وتعرف تراها اليوم منسية[/poem]

أخوكم تركي السلمي

الرد للشاعر عبدالخالق السلمي

الموضوع منقول من منتدى ديوان العرب للشعر النطبي