السالفة !!
بسم الله الرحمن الرحيم
جئت بهذه المتواضعه علها تشفع لنا بعد إنقطاع فترة العيد ..
وكل عام وأنتم بخير ..
[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
قلت ببعد عن طريق الحب واحيد = واختلق أعذار وأخلق سالفه
لين شفت الريم مقبل من بعيد = واثق ٍ يمشي بخطوة كايفه
قلت بشرب من عيونه واستزيد = دام روحي للمحبة عايفه
قام يشّرلي ويوضّح ما يريد = ويبتسم وأفراح قلبي شايفه
مانزلت عينه عن عيوني واعيد = نظرتي لمه بروح ٍ آنفه
قلت بقصر شري ولوني وحيد = ما برد دروب حب ٍ زايفه
وألتفت وألقاه لاحقني /عنيد = يبتسم صوبي وكني والفه
وآتبسم له وأنا فكري شريد = قلت والله إن البنيه زاحفه
جت شياطيني وقالت يالبعيد = أكتب أرقامك لريم ٍ نايفه
قمت أكتب رقم بيتي والبريد = يومها جنبي تحرى واقفه
قلت هاك الرقم بأسلوب ٍ سديد = واضحكت لحظه وقالت خايفه
قلت اذني تنتظر صوت ٍ سعيد = يحتظن نغمات شوق ٍعازفه
وانتظرت سنين ما جا ما يفيد = م العيون اللي الحقتني طايفه
مدري ضاع الرقم أو إنه يجيد = فن المراوغ بنفس ٍ تالفه
ما ذكرته بعد هـ العمر التليد = لين شفت الحب عينه كاسفه
كان يتعب بالغزل منهو يصيد = ينفضح أمره وكل ٍ عارفه
ينتظر نظره ومرات ٍ جحيد = وإن غرز رمحه فميه حايفه
يرتقب ساعة وينطرها شهيد = وتحتظن يده لرقمه راجفه
كان هذا عصر ماضينا المجيد = يوم نخشى من فضايح كاشفه
وأصبح الليله بدينا كل جديد = والغزل بأسلوب حاجه تارفه
جيل ثالث أو وسايط مو بريد !!= مع بلوتوث المحبة هايفه
سلموا لي عالمحبة اللي تزيد = وسط قلبي من ذكرت السالفه [/poem]
وسلامتكم ؛؛
|