[البيضاني الزهراني]

[align=center]طبعا كتبتها بعد قرائة كتاب للمرحوم وهو من شخصيات الخير المعاصره .
اتمنى اشوف رأي احد الشعار في موضوعيتها
اتمنى يكون لها نسبة موضوعيه لو واحد بالميّه
القصيده منشور جزء منها بجريدة البلاد
http://www.albiladdaily.com/news.php...n=show&id=6908

.
.
.




[poem=font="Simplified Arabic,5,#0116FF,bold,normal" bkcolor="" bkimage="images/toolbox/backgrounds/1.gif" border="ridge,5,#400000" type=1 line=1 align=center use=ex num="0,#400000"]
تذكرت أنا الاحسان من روح الانسان = واذرفت دمعات القصيده لحالي
على ورق " ياليت لولو ومرجان = انحت عليها ابياتها باحتمالي
لامن ذكرت اللي مضى والذي كان = على وفاة الشيخ يستاء حالي
شيخٍ من آل البيت خيّر وله شان = عظيم والتاريخ يشهد بها لي
وآنا بغيت اكتب قصيدي ببرهان = مايعتليها الشك والاختلالي
لشيخنا المرحوم للشّيخ حسان = الله يغفر له جميع الزلالي
أبياتها وحروفها يابو سلطان = تبكي اذا قصّرت في مدح غالي
غلطان من يجهله والله غلطان = ياكيف يجهل صانعين المحالي
ماحدني عن وقعة الشعر لاحان = شدة حياتي أو ظروف انشغالي
عن الذي دربه عن الناس شتان = فيه الوصوف معطّره بالكمالي
شيخ ٍ من آل البيت يمشي بالاحسان = كريم ما يخشى خفايا الليالي
نوره سرى مابين مذحج وعدنان = أسياد واشراف العرب من حوالي
طيّب ومتواضع وفي كل ميدان = لاغاب ماتلقى بغيره بدالي
كم واحدٍ قد قلبه من الهم تعبان = يصلاه من دين المطاليب صالي
لما اشتكى حاله لحلال الاديان = جرى الشقا والمر بيديه حالي
موصوف بالحكمه ومنصف وولهان = دايم لفعل الخير أول وتالي
داخله من ذرات الاكرام كثبان= وخارجه من ذرات خيره همالي
عاش بحياة العسر ماكان بترفان= ماعاش عيشات اليسر والدلالي
على لزوم الدين له ألف نيشان =في شرحها بيطول حد المقالي
عاشق لأبناء الارامل ورحمان = لليتّم اللي في الدروب الطوالي
له صاحب ماصاف عهده ولاخان = ملك من ملوك العروبه طرى لي
عبد العزيز اللي حكمها بسلطان = أرض الجزيره العامره بالرجالي
واذا رجعنا للتواريخ بيبان = قدر المحبه الكامنه في الظلالي
"محسن كبير " اسماه واغلاه بأثمان = وساواه كنّه واحد من العيالي
قد قال من زعله ثم بات زعلان = كنه كسر لي خاطري واعتدالي
حلالنا واحد على كل ميزان = للصاحب اللي ما يخيب اتكالي
والشيخ اقدى بالجمايل ولاهان = عشم خويّه بالضروف العضالي
بايع اخو نوره وثبّت بالاركان = دعايم البيعه بعزم ٍ خيالي
تشهد عليها الناس في كل ديوان = قاضي وعمده حي ، شعب ووالي
الشهم بأفعاله وعهده والإيمان = وماجمّل الخوّان كثر الكحالي
ومن كان من ربعه على الدوم حيران = يقرى عن اوصاف الرفيق الموالي
ياكم تعالت صرخة فوق الاوطان = في دار تحت مظلة الاحتلالي
فلسطين كم عامت على بحر الاحزان = والموج هايج من جنوب وشمالي
ماكان عنها الشيخ لحضات غفلان = أو عن وجوب الدعم بالروح سالي
أعلن جهاد النفس فيها والأبدان = وقال دون ارواح الاخوان مالي
تبرعاته جمّلت كل بستان = حيفا وعزّه اتزينت بالجمالي
والشك مازيّف حقايق وبرهان = لازال عون الدعم فيها امتوالي
مبالغ ٍ ترسل على بعض الاحيان = ومليون في فترة بزوغ الهلالي
الصدر فيما صار طيّب وبيضان = وارتاح من وقفات ابو سعود بالي
قد حار فـ اسرائيل في كل بنيان = الفٍ من اصحاب الفتن والظلالي
ياليت كل الناس مثل الكحيلان = تسبق فعل يمناه قول الشمالي
ولازال في بالي يبو سعود قيفان = ياساكن بعطفك قلوب الخوالي
طغى على دار العروبه بعدوان = اصحاب سبت الكفر والانحلالي
الى سما الأردن الى ارض جولان = والناس شدّوا فوق قب الجمالي
وقف معى سينا الجريحه ولبنان = عاف المهازل وانبرى للجزالي
من ثورته بالحق داخله بركان = نارٍ تفض المغبره والرمالي
وتلبست مصر الجديده بفستان = رغم الخساير رغم ضيق المجالي
أحياء عمرّها ، شوارع وبلدان = والنور شعشع بعد ماكان بالي
من ظن فعل الخير والبذل سيّان = واجب يثير الحق كثر السؤالي
ترى الرجال اشكال وأطياف والألوان = مخابر ٍ تكشف لبوس الشوالي
احدن على قيثارة العود طربان = واحدن يجيد الحرب هي والقتالي
ولايجي في بيعة الشيخ خذلان= لجل الوطن ياناكرين الوصالي
ماينكر افعاله سوى شخص تعبان = إلا مريض ٍ بالحسد والهبالي
غطّت صنايع فعل يمناه يفلان = جميع ماحلت عليه الرحالي
عسير والطايف ومكه وجيزان = وأبها بخير ٍ مايجيه اختزالي
من كثر ماهو لحرمة الله صيّان = تمم زواج المعسرين العزالي
ومساجد الله تصدح بصوت رنّان = تشهد " ببانيها بشكل ٍ مثالي
عماير ٍ شتّى ودار ٍ ودكّان = وقف أصبحت للخير في كل جالي
ولافيه مشروع ٍ "انتشر " منه دخان = والا وله من كفّتيه اتصالي
ملجا الفقير ومن تعنّى بكتمان = وللشاكي من النايبه طيب فالي
أشعل دروب العلم والطب شعلان = وخلى مياه البحر ماي ٍ زلالي
واجلى بمنديل التواضع بتحنان = دمع ٍ على عين المساكين سالي
كم من بيوت ٍ أصبحت ستر وإسكان = اركانها فوق الرحى ماتزالي
تمسح جروح اللي تعنى بالاسجان = واتجنب اهله شدة الارتحالي
وفي خدمة القرآن له روح شفقان = تسعد بذكر الله والابتهالي
وهو على نشر اكثر الدين ربان = سفينة الدعوه بطيب الفعالي
ومؤسسات الخير في كل ميدان = واكرام حفاظ الذكر باحتفالي
ما كان في وقته للإسلام جنحان = الا وتقرع من عطاه الدلالي
ولاكانت افعاله على رأي الأعيان = ولاعلى مسمع وحس أو تعالي
ماللغرور بداخله أي ميلان = أحرق تماثيل الكبر باشتعالي
وعلى فعال الخير ماهو بمنّان = دقيقها والا الفعال الثقالي
ماكان لقصوره مقافيل بيبان = ولاوصّد بوجه المعّى القفالي
سبحان من جمّع هالأطباع سبحان = غني ذكي متواضع ٍ باعتدالي
آقولها والله واحلف بالإيمان = واعلن عن ادروب النفاق اعتزالي
انا على ماقلت ماني بندمان = ولامنافق او وضيع ومغالي
للي اذا ماكان في يوم عطشان = ينهل عيون الخير حد الثمالي
وطيب أهل البيت من طيب الأغصان = جذور ٍ أوثق من عقود الحبالي
رسول هالأمه من الإنس والجان = النقص في قدره بعيد المنالي
هم للكرم والمرجله مثل الأخوان = صلاحهم مايشتكي مـ الهزالي
مايلحق أجواد النسب أي بهتان = آقولها في خاطري وارتجالي
ومايجرح الا كل حاسد وعيّان = ينعاب قصره في عيون الطوالي
مذكوره الآوصاف فيهم بقرآن = رب المزن والعاديه والجبالي
ولي معك ياسعود يارمز الأعيان = ياللي الشهامه تنضرب بك مثالي
موقف انا منساه له صوت والحان = في مسمعي يهتف بعذب الهنا لي
ماخاب ظنّي يوم انا كنت عشمان = حققت بعد الله شي ّ استاحلي
وطاب لي قلب كسيرٍ ووجدان = وارخصت لي شي مع الناس غالي
برثيك والدنيا مليّه بالأشجان = والشعر وحروف القلم راس مالي
عساك منت بغبّة القبر بردان = ماتختلج صدرك رياح الخوالي
كم واحد ٍ من بعد مارحت خسران = يطويه غص الهم طي الزوالي
مرحوم ياللي كنت للكسر جبران = والجرح لدّك فيه بالانتشالي
وكم من يتيمه رمشها دوم غرقان = تبكي وهي في شدّة الانفعالي
ومن جديد ومن قديمات الازمان = على الأرامل مشعلين الجدالي
الورد لونه بعد فرقاك ذبلان = والنخل ماتثمر عذوق الهلالي.
وللخير وادي بعد ماكان وديان = ولافيه منظر للوفا والجمالي
جفت مياه العطف والكل ضميان = ودكت رياح الخوف حتى التلالي
والناس مافـ قلوبهم غير شنئان= والغدر أصبح من سمات المعالي
الله ياللي كنت للخير عنوان = ياليت ترجع ياكريم الخصالي
عساك في جنّات مسك ٍ وريحان = تعيش في بالفردوس في كل عالي
يشملك سبحانه برحمه وغفران = ويتمم المعروف بالاكتمالي
كلن على دنيا العنا الفانيه فان = سوى إله الكون رب الجلالي
وصلاة رب المرسلين وسليمان = على الذي له طاعتي وامتثالي[/poem]


... .... .... وسلامتكم ... .... ....[/align]