بسم الله الرحمن الرحيم
أول شي كل عام وأنتم بخير ..
من المعلوم أن الإنسان بطبعه يعشق الجديد والتميز ، ولكنا بالغنا في عشقنا للتميز بشكل غريب حتى حشرنا أنفسنا في كرنر ضيق لا نستيطع الخروج منه .....
كثير من الشباب محددين هذا اليوم 07/07/2007م علشان يتزوجون فيه --->> يعني اللي معزوم في ثلاث وإلا أربع زواجات يكبر الوساده ويغني ظلموه
الحين وش التميز اللي بيصير
عندي قريب لي كان يبغى يسوي تميز
كل ما جاه مولود يسميه بإسم يبدأ بحرف السين 1 ، 2 ، 3 ، 4 الخامس خربها وسماه غرم الله
الظاهر كل ما جا ينادي على واحد نادى بإسم الثاني
وعلى موضوع الأسماء هذا ..
الله يعين اللي بيجيه بنت لازم يختار إسم مميز وجديد وطازه وحلو ويجنن ووووووو .........
المشكله اللي يسمون إسم جديد ما يعرفون معناه وإلا إسم ليس له معنى في العربية علشان التميز هذا
عموما يا كثر ما نسوي مميزين وفي الأخير لا تميز ولا شي كل الناس معاك بنفس الأسماء ونفس اليوم يعني وين التميز
يالله الصلاح منك يالله .. الله ياهب لكم عقول ٌ >> هذي دعوة الوالدة وش جابها هنا
المهم خلونا نحتفل باليوم العالمي لأهل الجنوب -->> أمال كنا بنأول إيه مالصبح
وكل عام وأنتم بخير
سلام
؛؛؛