[محمد بن حسن بن مله]

درب المـــــــودة

خل عنك العتـاب وخـل عنـك الجفــــا
لوتغـيـر ســواد ولوتـغـيـر بـيــاض
شوف درب المؤده شوف درب الوفــا
مالك ومال دربآ فيه تصفق حيـــاض
انصف الحق من نفسك وانـا بنصفــا
هاك حبل الموده مادخلـه انقــــراض
اكظم الغيض لاجلك وانت علمك خفـا
جاك حسن النوايا مانقضها نـقـــاض
حظنا معـك يالمجـول يضـرب صفــــا
يالله انك تساوينـا بنـاس حضــــاض
نـورك اللـي يشعشـع زايـد مــاطــفـا
مثل نور الهفوف ومثل نورالريـاض
مير دونه مسمرة الحكي فى القفــــــا
يحرضونه قليليـن المعرفـه حــراض

للشـــاعـــر/ سعـــد بــن مطلـــق

العــوجــــا

لاجتني العوجاء مـن ادنـا القرابـه
اصبرعليـه وادفـع الشيـن بالـزيـن
مانـي بخايـف ميـر هــذي عيـابـه
لحمـك ودمــك لاتجـازيـه بالشـيـن
وان كان يعرف وش خطاه وصوابه
يجـيـك يـتـعـذر بـحـكـة سـلاطـيـن
وان كان طايش ماحسبنـا حسابـه
مااردعقـلـي يــم تـايـه ومسكـيـن
ارفـع مقامـي عـن قليـل المهـابـه
حاقـد وحاسـد مايعـرف الموازيـن
وليـا سمـع عـلـم قبيـحـا حكـابـه
خالي ظميـر وخالـي العقـل وديـن
ماينـفـع النـمـام عـلـمـا مـشـابـه
لـو يتحـلـوى عنـدالاجـواد باللـيـن
الـلـي مـثـل هـــذا نـبـعـد جـنـابـه
يلقى سواتـه ثـم تلاقـى الشياطيـن
لابديـومـآ فـــي يمـيـنـه اكـتـابـه
يحصـد ليامنـه زرع فـى البساتيـن

للشـــاعـــر/ سعـــد بــن مطلـــق

ياللـــه ياللــــي

يالله ياللـي الـك مصلـي وصـايـم
اخشى عقابك وادعي في النفيلـه
تغفـر ذنـوبـي يامـديـر النسـايـم
هاذي جزيلـه وانـت راع الجزيلـه
عفـوك وغفرانـك ورحمـتـك دايــم
مــدك ولامـــد الـيـديـن البخـيـلـه
في طاعتك مشتاق شاري وسايم
ماضاع من فـي دربـه الله وكيلـه
يالله يـامـدبـر امـــورآ عـظـايــم
انــك تـزيـل الـهـم عـنـي تـزيـلـه
دنياك يابن ادم كما الطيـر حايـم
دايــم تغـيـر بـيـن يـومـآ ولـيـلـه
حافـظ علـى دينـك وشـد العـزايـم
فــي طـاعـت الله لاتــدور بديـلـه
قــدام مايـنـفـع كـثـيـر الـنـدايـم
تـرى حيـاة العبـد ماهـي طويلـه
وترا الصبر في طاعـة الله غنايـم
احـذر تهـاون مـن تهـاون ياويلـه
بوقـت الرخـا ولابوقـت الزحـايـم
خلـك قـوي الديـن واعبـر سبيـلـه
اخذ مـن الواجـب مكـان وقسايـم
وتمـرت الكـلام تسبيحـة وتهليـلـه
السيـل مايرقـى بـروس العـدايـم
يتبع طمـان الارض ويسيـل سيلـه
الالـيـاجـا مـــن عـلاويــه عـايــم
يجعل عـدام الارض مثـل المسيلـه
تحمسـو ياهـل القـلـوب الزعـايـم
وهـدايـة التـايـه تـراهــا جلـيـلـه
اخيـر مـن منـزال حـمـر النعـايـم
يـراغـبـيـن الـطـيـبـه والجـمـيـلـه
لاياخـذك فـى الديـن لومـات لايــم
امـايـجـيـك الــمــوت ولاتـجـيـلـه
يالله تجيـنـا مــن اهــل الظـلايـم
اللـي لهـم مـع كـل دربـا وسيـلـه
واحدهـم يـدور مـع الشيـن هايـم
يطـاوع الشيطـان مـومـي شليـلـه
لاتـردعـه شيـمـه وراعــي نمـايـم
اروغ مـن الثعـلـب اليـاهـز ذيـلـه
عـفـون لوتلـبـس ثـيـاب وعمـايـم
مايكسبـون الا الــرداء والفشيـلـه
مالـك ومـال اللـي يـذب الخـرايـم
يشل الرداء مدر الرداء اللي يشيله
ليت العفـون تبيـن فيهـا الوسايـم
لاهـل العقـول الـرازنـه والثقيـلـه
حنا علـى نهـج النبـي مـن قدايـم
الجـاده البيـضـا تـراهـا فضيـلـه
من هس عنها صـار مثـل البهايـم
طامـن عـن العليـا زبـون الرذيـلـه
فـي طاعـة الله ميـت القلـب نايـم
يمسـي ويصبـح والمراجـل قليلـه
عن هانمونه ياهـل الطيـب شايـم
والحـر فـي ممشـاه قلـبـه دليـلـه
بـيـت ماخفـيـت بـعــض الـعـلايـم
وصـلات ربـي عـد وبــل المخيـلـه
على النبـي اللـي رسمهـا رسايـم
نبينـا المعصـوم فــي كــل قيـلـه

للشـــاعـــر/ سعـــد بــن مطلـــق