الـنـظـره الأخـيـره
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ودع الأيام وانظر للثرى نظره أخيره=ما بقى لك غير ذكرى بالوطى وأخر سلام
وموعدٍ طال انتظاره ما لقا له أي ديره=وكلمتينٍ لو نطقها نستك باقي الكلام
قم ترى الذكرى بداية لألف هم وألف حيره=خل ها الدمعه بعيونك ولا تكثر بالملام
كن عمرك تو يبدأ وكنها آخر مسيره=وكن ليلك تو يسري وكنها قبل ألف عام
كن حزنك تو يمطر والفرح عينه ضريره=وكن باقي لك نهاية مع سواليف الغرام
أرحلت وش عاد ترجي انتهى سجن الاميره=والبطل لو سل سيفه ما لقا غير الظلام
نام حظك لاتاسف ولا اظن شي يثيره=ما بقى غير أنت وحدك تبني آمال بحطام
لا أمل يذكر ويطلب ولا الرجا غير مصيره=والمصير اللي تمنى ما تهيا لك ودام
كيف لو تبقى مكانك ويصبح اللي كان سيره=والملامح لو تمرك شفقها مثل السهام
والشتا لا أوقدت ضوك ما نفعك بزمهريره=كل قسوة ها لليالي ما تحملها العظام
أنت لو تشكي عذابك من يحن ومن يجيره=أقفرت عقب الغوالي وبعد ما كانت زحام
يا الله ادفن ذكرياتك واطلب الله الستيره=كم جروح مثل جرحك وكم جريح بالأنام
لا تريث في مكانٍ نسمته تقتل عبيره=فرحته تخنق غلاها سهدها يعصى المنام
دام باقي لك نهاية تحتري أللحظه الاخيره =ودع الذكرى ومكانه واقرى عالحب السلام
[/poem]
ـــــــــــــــــــــــــــــــــــــ
التعديل الأخير تم بواسطة العرنين ; 11-01-2008 الساعة 09:21 PM.
|