تمره ... وجمره
المسأله ماهي ظــروف ومشــاريه
أشــره على منهـو ومنهـو تشـــرّه
ان كان ظرفك صعب لاعاد تطريه
ترى ظــروفي زفت مليـــون مـرّه
وش ذنب طفـل ٍ مالقــى من يداريه
وش ذنب قلبــي لارتعش في مقـرّه
وش ذنب ليـلـي لانشـد عن مساريه
وش ذنب صوتي لاختنق فيه عبره
ياصاحبي قالوا عـط القـوس باريه
وانا عطيـــت....وقلــت للـــه درّه
ياصاحبي قالوا يبيـــعك وتشــريه
قلت اذكـروا خيـره إذا عـمّ شــرّه
قالوا يغيــب وتنتظـر في محــاريه
قلت الغيــاب انسـاه لاجـا بعــذره
اغــالط الواقــع واكـذِّب طـواريه
واقـــول يا مــرّه وياحلــو مـــرّه
خلــوه يلعب مـع حبيـب ٍ يجــاريه
في لعبـته مابيــن كــــرّه وفــــرّه
واثرك لعبـت بقلبـي اللـي تبــاريه
اخذت من تمــره ورديــت جمـــره
ياصاحبي طبعــك تجلـّـت مـواريه
والطبـع يمشي صاحبه تحت أمـره
وانته تغيــب وتبتـدي بالمشـــاريه
يكفي حبيـــبي طـــالبك لا تشـــرّه
ارحــل وذاك الحـب لا عاد تطريه
يمكن الاقــي في رحيـــلك مســـرّه
واقول للـي ماعطى القـــوس باريه
لازم تفرّق بين(تمــره وجمــره)
بحـــــار