/// حـدود الخيـال ///
السلام عليكم ورحمة الله وبركاته
مشاركة بعد غياب أتمنى أن ترترقى إلى أذواقكم مع أطيب التحايا وخالص المودة.
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
تعال وابحر معي لاقصى حدود الخيال = ما ياصل ابعادها فكرٍ بسقمه بلي
ساعة تجلي تصحي نايمات الليال = ما يكشف اسرارها قلبٍ بحقده ملي
تعال نسمة ربيع انعشك نشوة وصال = وتعيش معنى الهوى لو كان قلبك خلي
وشلون تصغي لمنهو ما يساوي ريال = وتصد عني وانا الشامخ وقدري علي
ماحدك الله على صحرا الظما والتلال = ظلالها نار واقد جمرها تصطلي
أهديتك الود توجته بصدق المقال = ولازلت اناديك واحثك على مايلي:
اخلع همومك تجرد غيم وامطر زلال = واكس الغصون العرايا ثوبك المخملي
وانثر زهورك وطرز واديٍ فيه سال = نهر المحبه على شاطيه تبرك حلي
اجن الثمار اينعت لك دانيه للنوال = والاّ جنيت الندم والغبن فيما تلي
يامشغل البال ما جيتك بشيٍ محال = ولاطلبتك مقابل مال وتعد لي
خايف على طيبتك من سيئن الخصال = يغتالها من تستر في ثياب الولي
دجال محتال في وجهه ظلام الضلال = وش عاد خافي بعد هذا البيان الجلي
نصيحه اسديتها لك يوم جالي مجال = واليا تذكرتني في خلوتك فادع لي[/poem]
عكاظ العدد14904
|