[علي الحسني الزهراني]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]


إذا الله مامنحني مفاتيح السعاده = فلالي في البشر من يزيح الهم ّ عني
أنا قلبي تعب من كثر ما اهدى وداده = لمن كنت اعتزي به ولكن خاب ظني
تعبت اهدي قوافل من الورد وزياده = وترجع لي جحافل جفا مكر وتجني
بلاي إني خذيت الوفا والطيب عاده = ولا جازيت منهو تنكر لي بمني
ولا افشي سر من كان قاسمني بزاده = وكم قاسمت زادي لمن غدره طعني
احس إني مع الناس عايش في نكاده = ولا ادري النحس ما الغير والا النحس مني
توقعت إن قلبي وجد غاية مراده = بحبٍ ما سكنته وهو غصباً سكني
أخاف النبض ينضب ويتلاشى مداده = ولا يسعف نفاده مداد اللي فتني
قضيت اغلب حياتي تعاندني السعادة = وابى حظي يساعد يفك النحس عني[/poem]