[عمر -ال -عمر]

[align=center]

السلام عليكم ماودي اطول عليكم عشان انا عارف انكم تبون السالفه على طووووووووووووووول


السالفه في يوم من الايام الجميله وانا في البيت اتقهوى لي براد شاي وفي عصرية يحبها قلبك

قلي عقلي ( على ماقالوا اهل مكه ) ياواد قوم افتح الاميل وشوف الجديد

قلت ولا ااردك

قمت وجبت الجهاز وفتحت الاميل وقمت اتصفح الرسايل

ومع تصفحي لرسايل لفت انتباهي رساله مكتوبه بالانقليزي وفيها ارقام وفلوس وبدءت الاحلام مع مشاهدة

تلك الارقام


فتحت الرساله الا وهي انقليزي في انقليزي ((( طبعا خويكم ثقافة فرنسي )))

رحت البرامج وجبت الوافي الذهبي وانسخ والصق وترجم

الا والرساله تقول (( مبروك فزت باربع ميه وخمسين مليون )))

ياولد كذب صدق كذب صدق

وبدت الاحلام مره ثانيه

المهم فيه رقم تلفون دولي اسفل الصفحه وعليه اسم راعيه اللي هو (( فرانك سانشو ))

وانا اللي اخذ الجوال وهاتك يااتصال

الو هاوريو انت فرانك سانشوا

قال ايه اي خده

قلت انت ارسلت لي اني فزت وش العلم ؟

قال مبروك البرنامج عندنا اختار بريدك وهذي جايزة اليانصيب ومبروك يالود ابسط ياعم

قلت طيب وش العلم الحين اجي اخذ الفلوس ولا بتجيبها انت ولا كيف

طبعا اول ماطرى علي الراجحي ونكباته وقلت ياشيخ ابشري كل عماره فيها بنك الراجحي وارفع عليهم الاجار

خخخخخخخخخخخخخخخخخخخخخخ

المهم قال ياالحبيب ابرسلك نموذج وعبه وارسله وابشر بالخير انت شكلك رجال سنافي

ارسلي النموذج وعبيته وارسلته له مره ثانيه

دق علي واحد من اخواني وعلمته بالسالفه وقلت ابشر بالعز كم عليك اقصاد وانا اخوك واعتبرها مسدده

خخخخخخخخخخ

قال يارجال لا يكون اليانصيب وقام يضحك ههههههههههههه

قلت ايه قال نصابين وتراهم بيرسلون لك طلب ثاني تدفع فيه الف يورو عشان مصاريف المحكمه والبخشيش

قلت يارجال ماعليك انا اعرفلهم

المهم اليوم الثاني وعيوني صارت تقول الفناجيل وانا مرابط عند الاميل الا والرساله يوم جت

وش تتوقعون ؟؟؟؟؟؟؟؟؟؟!!!!!!!!!!!!!!!!!!!

ارسل الف يورو عشان المحكه والذي منه

ساعتها عرفت الكلام انه كله نصب في نصب وراحت احلامي ادراج الرياح وسلم الراجحي خخخخخخخ


والى يومك وانا ودي اقابل فرانك سانشو هذا وافقع وجهه

والموضوع وكل مافيه احذروا من مثل هذي الرسايل وعسى الله يوفق الجميع لما يحب ويرضا

واسف على الاطاله

تحياتي للجميع

عمر ال عمر [/align]