[تأبط شراَ]

[poem=font="Simplified Arabic,6,purple,bold,normal" bkcolor="transparent" bkimage="" border="double,4,deeppink" type=0 line=0 align=center use=ex num="0,black"]
بنت تكتب قصيدة ليلة عرس حبيبها

جاني الخبر يا صاحبي واظلم الكون=قدام عيني ثـم نطقـت الشهـاده

على العموم اقولها الـف مليـون=مبروك من قلـبٍ شكالـك ابعـاده

مبروك لا يهمّك سواليف وضنـون=من عاشق يهديـك فرحـة فـؤاده

سو الفرح اليوم وابليـس ملعـون=واللي يشب النـار يجنـي رمـاه

انا اول العالم على القصر يلفـون=اول معازيـم الفـرح والـحـداده

يوم العذارى في دخولـك يغنـون=وعروستك باحلى ثوانـي السعـاده

كنت اتمنـى بدالهـا والله اكـون=واحط انا كفي تحت راسك وسـاده

واشلون ابكتم صرختي يوم تمشون=تكفى ..خذونـي للعروسـه قـلاده

حتى معازيم الفرح حيـن يمشـون=واصبحت انا وحدي بدون استفـاده

وطفو علي النور من غير يـدرون=قصر الفـرح يـا قبـر() ومهـاده

وصيتي لو جاك بنت وانـا امـون=سمّيتهـا لـك (اشواق) قبـل الــولادة

وهذا رد الشاعر عاقل العقاب عليها
شوق الشقا حسيت باللي تعانـون=هيضتـي جـروح تعلـت فـؤاده
مثلك أنا ضحيت بأشكـال وفنـون=ومن الطفوله كنـت أدور مـراده
جاني الخبر بالعيد وأظلم بي الكون=قلـت أتظاهـر للمـلا بالسعـاده
يوم الفرح حرمت بالعرس لاكـون=وأحضر فرح معشوقتي وأبتعـاده
جابو سمي الريم زفـوه بالهـون=وأعز حالي كيف ابقـوى بعـاده
زفوه مـن قـدام عينـي يغنـون=جعله يلاقي فـي حياتـه سعـاده
صفوا هل السامر وقامو يشيلـون=نسيت حزنـي والعنـا والقـراده
رضيت بالمقسوم وأخفيت مكنـون=احفـظ غـلاه وحافـظ لـه وداده
ياجعلهـم بأفراحهـم دوم يهنـون=جعل الفرح بالـدوم دايـم زيـاده
"شوق الشقا"ماقلت شعري يقرون=وماقلت شعري طالباً بـه شهـاده[/poem]