تعبت اسوق الشوق يمك و اصارحك..
[align=center]لا جيت ابنسى و اتراجع واسامحك
............ صاحن جروحي و اشتكن لي طعونك
كلك خيانة قلــي و شـلـون ابمنحـك
............ وش موقفك من شخص دايم يـخـونك
اكبـر خطـا لـو جيـب يمـك اصـالحـك
............ اول تحـول لا تـغــرك إلـحــونــك
اللـي تقـوله صـح لـو كنـت جارحـك
............ ميـر انـت غارق للأسف في ظنـونـك
وصفك نسيته بس باقي ملامحـك
............ بـنهيـك و انـهـي بالـنهـايـة جنـونــك
ما تستحق امـد كـفي و اصافحـك
............ مـثلك غـلط عمـري و ابـحيـا بـدونـك
لعبـت دورك شاهـداتـن مسارحـك
............ خدعتني و اظهـرت خافـي فنـونــك
كنـت اعتقد قلبي هو ابرز مطامحك
............. اللـي يبيـع الناس لجلـه يـصــونــك
تعبت اسوق الشوق يمك و اصارحك
............. اخلصت لك بالحـب شوفة عيـونــك
لكـن خسارة صرت غايـة مصالحـك
............. يا ليتنـي ما جيـت لحظـة بــكـونــك
بالامس كنت بنشوت الحب امازحك
............. اخـيـل بـرقـك و اتـحـرى امــزونــك
و اليوم من صفحة حياتي ابمسحك
............. هـديت صرحك ثم طاحـت اركـونــك
و لابي عيـوني لو تصـورت تلمحـك
............. اعلنت موتك و انسجن لي كفـونـك
و ان جيت تطلب ترتجيني اسامحك
............. بهـديـك طـعنـة مـن بقـايـا طعـونــك[/align]
[align=right]عذراً لم أستطع معرفة الشاعر أو الشاعرة[/align]
ـــــــــــــــــــــــــــــــــــــ
|