[أميرة شحية]

[align=right]ماكتبتني .. من سنين .. !!
شح الغلا .. ولا التواري .. والجفا .. ؟!
دعوى الهموم .. ولا الغموم .. ؟!!

ويني من حروفك .. ؟!!
ويني من سطورك .. ؟!!
ويني من حبر القلم ..
بدم الوله سايل .. ؟!!

ويني من حنينك ..
من أشواقك .. من أنينك ؟!!
من لهفتك .. من نشوتك ..
من جنون العشق .. من أمس .. ؟!!

ويني من دفترك .. من مدمعك ..
من خطوتك .. من أنفاسك ..
ماعدت أنا إلهامك ؟!!

،،،

عطرك يطوقني ..
وصوتك يدفيني ..
ولمسك يبعثرني ..
وماعاد الورق لايق ..

وقلبي العطشان ..
ومبسمي الضميان ..
وحسي الهش الرقيق .. ؟!!

وعيني يجرحها السهر ..
وروحي يواسيها القهر ..
واحتياجي لارضك تغطيني .. ؟!!

،،،

قال ....
اكتبيني اليوم ..
اكتبي فيني حروفك ..
وانقشيها بدمعتك .. وبحزن صوتك ..

ودلليني .. واحتويني .. وقولي ..
ماغيري ظنينك ..
وبحكم واشوف .. قدرة أشعارك ..
وصورتي في قصيدك ..!!!!

،،،

أنا أكتبك ..
وأرسمك .. على خد القمر .. عنوان ..
أنا أكتبك ..
وأحفرك .. على صدر الصخر .. صوان ..

وأصورك .. على كف البحر .. ثاير ..
وأدونك .. في دفتر العمر .. زاير ..

أنا أبعثرك .. وألملمك ..
وأهدمك .. وأبنيك ..

وأنزف .. وجودك ..
دواوين .....
حب وغرام ..
ود .. ومرام ...

وباكتبك .. هجر .. وصد .. وخصام ..
وباكتبك .. قسوة .. وتمادي في الانهزام ..

أنا أكتبك .. لوعة ..
لاقوى قلبك على .. النسيان ..
أنا أكتبك .. دمعه ..
لا احتاجتك عيني .. ومالقت ..
سوى الخذلان ..

وبشكيك لاوزاني ..
ماعاد فارسي .. شفقان ..
ماعاد من شهد .. الوصل يسقيني ..
ولا همه من وحدتي .. يداويني ..
غرته عين المها .. تتبعه بجنان ..

إنت .... يا إنت ...

مابتكتبني .. ولا بتتهجى سنيني ..

ولا حروفك بتوصل .. تناغيني .........
ولا حد الخيال عندك .. بيوصف تفانيني ........

لاني قصيده ........... مالقت لليوم عنوان .......



من نزف قلم .. إماراتية شحية ..
أرق التحايا لكل من مر من هنا ..[/align]

[align=right][rams]http://song7.6arab.com/bashar_Ma7taj-Asma3ek.rm[/rams][/align]