[هـاوي زهـران]

عذري خطا دام االمحبه خطايه
يامن قسيتي قسوة الخوف والجوع

الحب عندي نزف ماهو هوايه
الحب فوق الكم والكيف والنوع

الحب ياحبي وليد الهدايه
الحب وعد بمهجة الفجر مزروع

قلبي طفل غاوي عديم الدرايه
يطرد عصافير البراءه بلا طوع

خذاه حبك وانتهى بالبدايه
وانا اغتربت ولابقى ود وربوع

تكفين من شحن العواطف كفايه
الثرثره في نظرة عيونك تلوع

كفي عتب عاقل على قلب تايه
عنه العتب ياربة الحسن مرفوع

ودي ابوح بلوعتي وبشقايه
الصمت بايامي سفر غير مشروع

وان صرت بافواه العواذل حكايه
الزين خافي صوت والشين مسموع

لو تشتكي ما للمشاعر حمايه
كم ذبلت ورود(ن) وكم طفيّت شموع

نفس البدايه هي حديث النهايه
بدموع حبيتك واودعك بدموع
.
.
.
اعجبتني فنقلتها هنا
اتمنى تنال اعجابكم


ودي