الله يهديك اخوي عابر سرير
الحين انت بهالكلام بتسبب مشاكل للناس وهم فى غنى عنها
انت تظن البنات يدخلوا يقروا بس بالتأكيد راح يطبقوها خطوه بخطوه
وياويله وياسواد ليله من راح تنطبق عليه هذه المواصفات او بعضها
انا متأكد ان كل وحده تجهز بشنطتها شاده الرحال الي ديار الاهل
طيب وانا بقول لك طبعى مع هذه المواصفات واعطيك تبرير لكل وحده منها
حتى مايسئوى الظن على طول ويحاولوا يحسنوا النيه بالازواج 
الموبايل في حالة (قفل الهاتف) يعني لو وصلت مسج ما يقدر يقراه الا هو بعد ادخال الرقم السري.
انا اقفل الجوال عند النوم او اخليه على الوضع صامت
لان مااحب احد يزعجني وانا نايم لان نومي خفيف لو احد دق ماراح يجيني نوم بعده
2_وضع الموبايل على حالة(صامت او اجتماع) يعني ما يرن ابدا في البيت.
مو دايم يكون بوضع صامت والله يخلي خدمه موجود 
طيب واحيانا انا بعد مااصحي من النوم المغرب انسي تغييره من الوضع الصامت او المقفل ولااتذكره الا بالليل
متاخر يعني على طول ينطبق على هالشرط !!!
3_اذا نسى الموبايل في السياره ونزل مثلا للبقاله اوالصيدليه وتذكر ان الموبايل في السياره يرجع مسرع جدا وياخذه.
مو للدرجه هاذى ليه بسافر داخل الصيدليه باشتري اغراض وبرجع للسياره كلها دقايق وعلى العموم انا ماانسي جوالي نهائياً
4_ اذا تصادف ورن الموبايل بسرعه يقول هذا واحد ما ابي ارد عليه رغم انك ما سالتيه نهائيا..رد استباقي
يااخي تحصل يتصل بك ناس مايبي الا مصلحه والا خدمه وانت عمرك ماسمعت صوته الا وقت مااحتاج منك
5_يفتح الموبايل ويسوي نفسه يحسب او يطرح كأنه يحسب سعر شراء سياره او بيع اسهم.. وهو قاعد يرد على المسج
اما هذى بجد واحد فاضى
انا اكره اكتب رسايل والا ارد على احد برساله اذا الرساله جهازه ارسلت اذا مو جاهزه انسي ارسل لاحد
طبعا اقصد التهنئه بالعيد او المناسبات الاخرى 
6_لو نسى الموبايل والقفل مو مفتوح وشاف انك انتي او احد الاولاد شايله في يده
تقوم قيامته ويرغي ويزبد.....
انا حاط قفل على جوالي مو معناه اني ماابغى اقرب الناس لي مايفتحونه
والرقم معروف يعني مايحتاج
بس القفل لبعض الزملاء الملاقيف اللى يحبون يفتحون الجوالات
وبعد مايخلص من الجهاز ويشوف اللي فيه كله يقول وش عندك من جديد فى الجوال
7_ بعد تلقيه الرساله او (missd call) يتعذر باي شي بس علشان يطلع من البيت بسرعه.
لاحول ولاقوه الا بالله يعني مااعمر ك جاك اتصال من احد انت معطيه موعد ونسيته ودق يذكرك
او مر عليك احد الزملاء ودق يقول لك اطلع انا برا عند الباب 
8_ واذا كان في الطريق السريع ودخل يشتري اشياء من المحطه...يطول اكثر من اللازم ..
الله يهديك يعني اذا مااحصلت اغراضي بسرعه يعني معناه ان الشرط ينطبق علي
وانت تقول على الخط السريع يعني المحطه اكيد اول مره يجيها ومابيعرف كل شى وين مكانه
9_الفاتوره مثل الغرفه اللي في قصر الغول اللي ممنوع دخولها نهائيا
ومستحيل يجيبها للبيت ابدا.............
انا اذكر اخر فاتوره طلعتها قبل اكثر من خمس سنوات
يااخي بالله من يحتاج لفاتوره فى هالوقت
الاتصالات تهريك بالرسائل وتقول لك سدد حتي تحس ان الموظف بيطلع لك من الرساله من كثره هالرسايل
وثاني شي فيه حاجه يسمونه خدمات تسديد الفواتير وهي كثيره
الصراف
الهاتف المصرفي
الانترنت
10_يغلق الموبايل وقت النوم ولا يتركه عالصامت حتى...(قد تكون توصيه من الحبيبه)..تغاااار وتشك فيه...
هههههههههه
الله يصلحك ماقلت لك اني دايم اقفل جوالي عند النوم لان نومي خفيف 
11_اول شي يسويه الصبح يشيك على صندوق الوارد في الموبايل .
اول شى اسويه اطالع بالساعه كم واشوف اذا فيه مكالمات لم يرد عليها عشان اذا روقت اتصل فيهم
12_ اسماء غريبه في جواله...على سبيل المثال:
بو حمد....بو ملاك.. بوخالد ...بو بدر
والاصل انهم :حمده ..ملاك..خلود..بدريه
وهذى بعد مشكله ثانيه
الان اغلب اللى بجوالي جمعيهم من قبيله واحده يعني الاسماء راح تتشابه
لو مااحط الاسماء بابو فلان
واذا كان مكرر احاول اضعه اسمه واسم الاب
واذا مكرر الاسم واسم العائله
الخلاصه:
اذا توفرت 3 من ال 12 خافي علي زوجك وابتدي شكي
اذا سوت كذا وبدت تشك فيعني بدت المشاكل والله المستعان
اذا توفرت 5 من 12 اكيد خائن...
معناها تاخذ شنطتها وبيت اهلها ولاحول ولاقوه الا بالله
اذا توفرت 12 من 12.....اقطع يدي من اساسها انه خائن
معناها انك خربت بيت وهو بعيد عن المشاكل والسبب نصائح لاتنطبق على الجميع
والمشكله الاكبر ان النساء يعتبروا مااذكر من مواصفات صحيحه وغير قابله للنقاش
ولايعلموا انها لاتنطبق على الجميع وان كل شخص وله طريقته واسلوبه بالحياه
فلاتحاولوا دوماً تطبيق ماتقرأوه لانه ااحيانا يضر اكثر مما ينفع
وبالتوفيق للجميع