[ابن القحم]

ألا يا الله طلبتك طلبة اللي مـا عبـد الأصنـام
ولا يرضى بغيـر الشـرع تحريمـه وتحليلـه

ولا يرفـع يديـه إلا لعرشـك والعبـاد نـيـام
ولا صلى لغيرك لا مضـى الثلثيـن مـن ليلـه

شهادة لا إله إلا أنت تشهد لـه علـى الإسـلام
ولا يخفـاك تسبيـحـه وتكبـيـره وتهليـلـه

يارب العالميـن وعنـدك أرزاق العبـاد أقسـام
يا منجي نوح مخزي من غزا مكة علـى فيلـه

يا حي ما يموت ودائـم مـا غيـرك أحـد دام
يا محصي ما مضى من جيل واللي عاد من جيله

خلقت الكون كلـه بأكملـه فـي ستـة الأيـام
يا ذخر العاجـز المحتـاج لا قلـت محاصيلـه

ألا سبحان من بأمره ونـوره تنجلـي الاظـلام
هـدى رسلـه بقرآنـه وتـوراتـه وإنجيـلـه

رؤف راحـم يرحـم قـوي قــادر عــلام
عليـم عالـم بالغيـب يعلـم ســر تأويـلـه

يقدر مـا يشـأ يفعـل مـراده يـرزق الأيتـام
يصرفنـا معـه بالأمـر تأجيـلـه وتعجيـلـه

هدانا واهتدينا مـا قطعنـا الوصـل والأرحـام
نؤدي واجـب المصحـف وتجويـده وترتيلـه

له الأسماء الحسنى ذو الجلال اسمه وذو الإكرام
أنا وحدة ولا شريـك لـه عبـده وأصلـي لـه

وسع كرسيه أرضه والسموات السبـع مـا نـام
رقيب فـوق خلقـه يرحـم المؤمـن وياويلـه

خلق من طينة الماء والثرى جلد ولحـم وعظـام
ومـن فضلـه علينـا محكـم كتابـه وتنزيلـه

لو إني ما رجيته رب من صلى الصلاة وصـام
خرجت من النطاق وقلت يا دنيا من أنتـي لـه

يا ربي رحمتك لا جا الحساب وصرت الأقـلام
وفـي دنيـاي تكفينـي ثقيـل الهـم وتشيـلـه

تشيله ما قدير إلا أنت فرجهـا علـى المنضـام
أنا مخلـوق يـا خالـق تزيـح الهـم وتزيلـه

ألا يا الله تقوّم حظـي اللـي عاجـز مـا قـام
على من بشتكي غيرك ومن بشرح ظروفي لـه

دعيتك يـا مجيـب ويـا قريـب تخـف الآلام
تفرجهـا علـى اللـي زادت الدنيـا غرابيلـه

أبي من نارك النجوى وأسالـك جنـة الأنعـام
بيدك النـار والجنـة ومـن عـاداك يـا ويلـه

يا ويله من عقابـك غـره الشيطـان بالأوهـام
نسى يوم الحسـاب وطفـف الميـزان والكيلـه

تمادى في خطاه وعـاش فـي دنيـاه بالإجـرام
يا ويله من عـذاب القبـر لا ضاقـت مداخيلـه