[محمد الخضر]

[poem=font="Simplified Arabic,5,#000000,bold,italic" bkcolor="" bkimage="" border="none,5,#400000" type=1 line=0 align=center use=ex num="1,#400000"]
1- قراطيس الورق والمقلمة والحبر والاقلام=أبت تكتب سوى حرفك وأسمك يا معنيني
2- تبي ترسمك لكنك مزيج اوهام في اوهام=تبي ترسمك لكنك خيالٍ صادته عيني
3- تبي ترحل عقب ما جف دمعي في بكاك اعوام=وتزداد الجروح جروح والاحزان تكسيني
4- تجف اوراق آمالي وتتكسر غصون احلام=تلاشت في بلاد الهجر فيها الضيم يكويني
5- وطحت اشكي وتوي أدري ان الحزن له أقدام=اشوفه يركض ووده من الاحزان يسقيني
6- تبعثر كل ما فيني وحسيت النظام إلزام=تعال ورتب بكفك سنين تبعثرت فيني
7- وبدل ماضيك حاضر ورجع للغرام ايام=ابي استدرك العمر بغرامك باقي سنيني
8- كتبتك في قصيدة عششت في داخلي من عام=وهاجر طيرها وسط الورق ويداعب ايديني
9- قصيدٍ كيف كونته ؟ ولا يدري سوى العلام=بما تخفي الصدور وما اندفن بين الضلاعيني
10- تدون كيف ؟ ما ادري مدام الحبر والاقلام=أبت تكتب سوى إسمك وحرفك يا معنيني[/poem]