[محمد الخضر]

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=1 line=0 align=center use=ex num="1,#400000"]
1- ألا وا كل ما شفتك تذكرت الليال السود=وتتجدد جروحٍ ماتت وتسكن خفوقٍ مات
كفاية . كل ما انثر حزن يجمع ما انتثر ويعود=كفاية كل لحظة تتهمني : ليه وقتك فات ؟
2- وش اللي فات.!! ما غير الحزن والهم والمنقود =لو اسلم من خطا عثرة بااطيح من الخطا عثرات
3- تعبت وطاحت عزومي وطحت وما بقى يا كود=فتيلة فرح يقتل ضوها ظلمة حزن وآهات
4- تشتت بفضا حزني ..وأيقنت الفرح مفقود=تمنيت ابتسم واضحك في الدنيا ولو لحظات
5- ياليت ان الحزن ميت وانا دوبي بعد مولود=وياليت ان الفرح توأم معي مهما أبيت يبات
6- ياليت الوقت يرحم بي ترى عمري غدى معدود=وترى اللي عاش في صدري تناثر بالورق ابيات
7- ( فـ)لو اصبحت اشوفك كل لحظة والحزن موجود=بلا شك القبر رحمة من الاحزان والاهات[/poem]