[اسد الليالي]

يقولون الوفا بين الخلايق بارقن مفقود
يساهره الوفي في موج بحر زمانه الغدار
الا ياوقتي الظالم ما هدتني الليالي السود
طعون الغدر هدتني وانا في لهفة الانظار
زماني ليه كل ما ينطرح همي تجيب الزود
زماني ليه انا تايه احاكي ظلمة الانوار
سراب البارق آباريه ماهدتني قصات حدود
ولا هدتني الفرقا ولا اشقاني مدى الاعمار
اباري وقتي مثل الصبح في خدر السما مولود
اناجي النفس مثل الليل فزباد البحر بحار
ألا لبيه ياوقتي وجود عليٌ باللي تجود
ترى مالي على الوقفة فوجه الظالم الجبار
اتيه بدنيتي واشوف وقتي الحاسر المسدود
وروحي تنزف آلامن نفح منها شذى الازهار
اداري دمعتي واقول مامن دنيتي أي فود
واداري دنيتي واقول مامن دمعتي امطار
ألا يا حظي العاثر الا يا حظي المقرود
شربت الكاس من همي ورماني الحظ وسط النار
صبرت وليتني ظافر على غلب الليالي السود
صبرت وما ظفرت بشي غير بقلبي المحتار
سلام الله على روحن تطير ولا عليها قيود
سلامن تطرقه روحي على لساني وعلى الاوتار
فمان الله اقطفها من الزاجل مثل عنقود
فمان الله يا نفسي ورسينا شواطي الابحار