[شذى الريحان]

هذه الاكلة يسووها اهل الغربية ايام البراد والمطر بالذات لانها تدفي
اكلة لذيذة ومشهية



كوب عدس احمر اللي حبته صغيره ومدوره
كوب رز أي نوع تفضلي والافضل الرز المصري لانه زي السليق لازم يكون
اخلطيهم مع بعض

كشني بصل وثوم واضيفي الابازير والهرد
اهم الأنواع
قرفه وكزبره كمون غير مطحون

اضيفيي ماجي

اضيفي الرز والعدس المنقوعين
خفضي النار اتركيه يغلي على نار هاديه مع تحريك مستمر بملعقه خشبيه
تنبيه...
الرز والعدس ينهرسو يصيرو زي السليق او الجريش
لذلك احرصي على زياد الماء المغلي بين فتره والثانيه(ترا ماياخذ وقت كثير على النار زي الجريش)
لمايثخن الرز والعدس
رشي ملعقة كمون بودره
واضيفي الملح+ملعقة سمنه او زبده

ملاحظه
يقدم هذا الطبق مع سمك مقلي او تضيفي تونة على الوجه
الطبق جيد جدا للشتاء
مثل شعبي واهل مكه يقولو معدوس في البطن يدوس
بمعنى انه يشبع

تنبيه
لون الطبخه اصفر بفعل الكركم
تقدم الاكلة مع سلطة الحمر
السلطة
قرطاس حمر من اللين يتنقع في الموية وبعدين يهرس مع بعض
ويصفى ونضيف البصل المقطع وكمون مطحون
صحه وعافيه