[فلاح بن منشار]

[align=center]مع اعتذاري الشديد لشعرائنا الكرام

على قلة الردود هنا

لقلوبكم ياهل منتديات زهران الافاضل

هذي الكيبورديه المتواضعه

آمل ان ترقى للذائقه[/align]

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

وش فيك ياصيدي تغيرت عني = مانت الذي خبري واحس ان به شي
لونك تغير صار غامق وبني = في نبرتك غنه وشمسك بلافي
احساس في بعدك خذ النوم مني = قلي بربك والصراحه لها ضي
ماقد كذب حدسي ولاخاب ضني = من عافني عفته ولو كان لي خي
يمكن احبك يمكن انسى التمني = يمكن معك يمكن بدونك انا حي
يمكن جوى يمكن نوى ممتحني = شويت قلبي فوق جمر الهوى شي
شفتك لنبضي يالغضي ماتحني = واول تقول انه لك الزاد والمي
مانا بمجبور ارسمك ظمن فني=ولا انت بي مجبور لو داخلك غي
همس المشاعر منك بالوصل جني=واليوم اشوف الصد عبر الفضا جي
ماجيت لك عاني ولا هيب منّي = صدفه تلاقينا وذقنا الهوى ري[/poem]