[قسوة الأيام]

يابو متعب طال عمرك عسى الله يمهلك
يا حبيب الشعب ربي يعلي منزلك
ليت معروضي يا صقر العروبة يوصلك
أسمي الجندي السعودي من رجال الجنوب
كنت في حرب الوديعة مع قرع الخطوب
كنت في الأردن وسوريا أخوض الحروب
في الكويت أبليت وأفنيت وأرعبت القلوب

وأنا رجل الأمن والجيش في حرب وسلام
كنت حاضر يوم الأحداث في البيت الحرام
والضحايا يوم الإرهاب أخويا والعمام
كنت في خدمة بلادي وطبقت النظام


اما الحين يا ويل ويلي يا ويلاه
يا ويلي يا طر جيبي وش هذي الحياة
انتهضنا بردة الفقر من بعد ألغناه
وانشغلنا بالتفاكير حتى في الصلاة


راتبي راتب تقاعد ولا عندي رصيد
لا معي موتر جديد ولا بيت جديد
والديون اتزيد والحال ينقص ما يزيد
والتقاعد يابو متعب مرتبنا زهيد

ليتني جندي بخر خير وإلا في تبوك
اقدر أعيش عيالي واقصط للبنوك

صرت مثل الذيب سرحان لا جرى العواء
راحت أموالي في البنك وابطايق سواء
والهوامير أشبعوني وعودا في الهواء
والغلاء حد من أمول ملعون الثواء

الي معنا من دراهم رمينها في الأسهم
والمعيشة كل يوم تزيد أسعارها