[جوري]

يا ويل قلبي كل ما اشتقت للقيأه ..

--------------------------------------------------------------------------------



يا ويل قلبي كل ما اشتقت لقيأه
وشلون ما تشتاق عيني لعينه
أنا أدري إني حيل أحبه وأهواه
وأنا أدري إن القلب صار بيدينه
أموت أنا به في غيابه وأحياه
وشلون أجل لو صافحتني يمينه
حاولت أنا اكتم عبرتي يوم فرقاه
وألملم جروح الزمان الطعينه
وعطيه من قلب المعنّى معاناه
وآخذ من جروحه ولو هي دفينه
وأضيع به في زحمة الناس وأنساه
وأنسى معه ذكرى السنين وحنينه
لقيت نفسي كل ما حل طرياه
عروق قلبي كلها تقول وينه
يأمر على قلبي ولا شك ينهاه
كلي أنا تحت الإشارة رهينة
ما كل من يضحك سعيد بدنياه
وما كل من يبكي دموعه حزينه
أحدن بكى .. والكل يدري عن بكاه
وحدن مع ألضحكه تحس بونينه
ياشين فرقى الحب وياشين بلواه
والمشكلة دنيا بلا حب .. شينه
والزين ما يكمل ولو كان ما حلاه
إلا حبيبي ما تغيّر بزينه
ما جيت أسولف عن حلاه ومزاياه
يكفي أحاسيسي وقلبي عارفينه
كن الفضاء في غيبته ضاق مسعاه
وكني غريقٍ ينتظر له سفينه
شف دنيتي ياصاحبي عقب فرقاه
مثل الظلام اللي حصل بالمدينه
باكتبه أنا في صفحة الشعر وأقراه
وباذبحه بزود الغلاء دون سكينه
وبا رسمَه في لوحة الشعر وأنعاه
وبا دفنَه بين الضلوع الحنينه
بوسط الحشا في داخل الصدر مثواه
إما يسار القلب وإلا يمينه


..منقوووول..


أتمنى من كل قلبي إنها تعجبكم
/
/
/
مع خالص تحياتي ..