[*** الصهيبي ***]

هذي المحاوره دارت بيني وبين الشاعر الكبير علي السبيّه
اتمنى ان تنال إعجابكم وإستحسانكم

[poem=font="Simplified Arabic,6,#550904,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
الـبـدع / عــلــي الـسـبــيــه=
.=
ياصهيبي قل لراع النخل نبغي منـك رُب=
بان علم الطيب مابين العرب والمكر بين=
لا انهدم علم الوفا ياصاحبي والمنكر ابنا=
وان ربطت الحبل في راس العلم لا تكربه=
.=
الــــــرد / الـصـهـيــبــي=
.=
كم لقلبي يشتكي من جور هم ومن كـرب=
لين عوّد في نشور اهل العنى والمكربين=
نشتكي لك يالزّمان الشين واثرك من كربنا=
حسبك الله قلبي المتعـوب لاعـد تكربـه=
+=
+=
الـبـدع / عــلــي الـسـبــيــه=
.=
يارفيقي من تزكـي ماالعبـاد ومـن تعـب=
واللي تعباه الصروف الجايره ولْمت عبيـن=
وانحن فوق العيب واسباب الخطا يامن تعبنا=
والشقا والجور ماظلا الهنـا والمتـع بـه=
.=
الــــــرد / الـصـهـيـبــي=
.=
القلوب اشكال لا تسوي الفروح بمن تعب=
قسمنا والمستعـان الله قسـم المتعبيـن=
الله ياكم ضاقت الدنيا بنـا يامـا اتعبنـا=
مير ابيتوا لا تواسون القلـوب المتعبـه=
+=
+=
الـبـدع / عــلــي الـسـبــيــه=
.=
الباب المامون زرفاله لكم يامن عتـب=
لا تضن ان الهدايه في عقول العاتبيـن=
ياصهيبي لاتحسابنا ترى عن المنع تبنا=
واستمع في هيضي المكنون لما تعت به=
.=
الـــــرد / الـصـهـيـبــي=
.=
ياعجب قلبي عليش اللوم وعليش العتب=
مايعجبّني يكن تبديـع قـول العاتبيـن=
ياعلي عانيت من قدام في علم(ن) عتبنا=
من ولوم العاتب المتعب ولمّات اعتبـه=
+=
+=
الـبـدع / عــلــي الـسـبــيــه=
.=
لا تحندر باالعيـون ولا تعقّـد فاالحجـب=
زينة العين الكحيله رمشهـا والحاجبيـن=
ماتميز وش ورى نضرة عيوني من حجبنا=
والملف اللي طوته المحكمه لا تحـج بـه=
.=
الـــــرد / الـصـهـيـبــي=
.=
دامك اطريت العذاير والمنايع والحجب=
عندنا شكوى عريضه ضدكم يالحاجبين=
عام الاول يوم جينا عند بابك من حجبنا=
وانا ياما قلت زولي لالفـى لاتحجبـه=
+=
+=
الـبـدع / عــلــي الـسـبــيــه=
.=
كم على الابيار نبصر من دلـيّ ومـن قـرب=
وأهل القربا بيش للطاغوت الاكبـر مقربيـن=
جينا في الصف الاخير ولا سمعنا من قرى ابنا=
والسطر اللي ما فهمت اطلاسمه لا تقـر بـه=
.=
الــــــرد / الـصـهـيــبــي=
.=
قلت بالتقدم وبالتقرب مع من هـو قـرب=
لين احصل لي مكان ومجلس مع المقربين=
واثرني والحظ عن راع الهقاوي ما انقربنا=
الله ياكم واحد(ن) قد قال لـي لا تقربـه=
+=
+=
الـبـدع / عــلــي الـسـبــيــه=
.=
العُشر ماهو كما عود القرض والا الغرب=
والعوَد اللي له سنامين ماترى له غاربين=
لا تحاول تقتطع لك عودً اخضر من غربنا=
لكن احفظ مانقوله والحذر لا تغـر بـه=
.=
الــــــرد / الـصـهـيـبــي=
.=
مد شوفي مالقي نجمي ولا نجمك غرب=
نحمد الله ولجنا يسفـر عتـام الغاربيـن=
حكمة الله مايدوم احد(ن) سواه ولو غربنا=
مطلع النجم ومداره وولجـه لا تغربـه=[/poem]



اخوكم

الصهيبي