[علي الحسني الزهراني]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]



لاتغرك ثيابي لو بدت لك جديدة = ثقلها فوق متني سلسله من جبال
من نسيج الديون بنار همٍ وقيده = ثوبي اللي لبسته مصدره ضيق حال
جزء من ألف يكفي من حياته رغيده = من جحيمي يحول نعمته للزوال
ليتني مثل ماقال المثل عـ الحديده = الحديده على قلبي ديونٍ ثقال
في بلاد الغنى واعيش عيشه زهيده = من بلادة غناها المال للغير مال
يعني اش فايده لاشفت زرعي حصيده = ينسرق من يدي لو كان كثرالرمال
لا وربي أبد ما قلت ميدك بليده = يابلادي فداك اللي يبيعك بمال
شاعرك يالحبيبه ماخرج عالعقيده = جوعه اللي كفر ضيق عليه المجال
كل ما اكتب قصيده لو بتطلع عصيده = كان ما اشغلت بالي ويش اعشي العيال
لكن المشكله تطلع قصايد فريده = تدهشك في صورها بامتداد الخيال
وادري ان التواضع مانفعني مزيده = ساحة الشعر غابه واحتلال وقتال
حربها نفث حبراقلام حسد ومكيدة = لاهواده ولا هدنه ولا هي سجال
من طرف واحد تشن الحروب الشديدة = والضحية غبينة صادقين النضال
كم لي آذكراصحاب العقول البليده = قلت يمكن يفيقوا واستزادوا هبال
راية النصر تبقى في سمانا بعيده = عن قصار النظر في مرتقى ما يطال
دامني حي بحمي كل فكره سديده = وان توفاني الله ناب عني رجال
وقتها يشهد التاريخ إني فقيده = حين تحزن وتبكي شامخات الجبال[/poem]