[الهمس]

[poem=font="Simplified Arabic,5,#FF1700,normal,normal" bkcolor="#0090FF" bkimage="" border="none,4,#400000" type=2 line=0 align=center use=ex num="0,#400000"]
على اللقا مرت سنه ياحياتي=فيها الوفا والحب واخلاص قلبين

العام مثل اليوم كسر سكاتي=صدى غرامك وابتدا عشق روحين

مرت سنه والحب كنه نباتي=ينمو مع الايام وايزيد وايزين

في كل يوم ايزيد حبك ثباتي=على الوفا والحب باقي وتبقين

تعجز بغير اسمك تحرك شفاتي=والغير عينك تنتحر نظرة العين

حتى لساني قام يجرح لهاتي=يقسى لغيرك وان نطق باسمك ايلين

عنك القمر يروي جمال الصفاتي=والشمس تروي عشقها لون خدين

لك انحنى ورد الجناين شتاتي= ولك انحنى يا بنت نخله وسيفين

واليوم جيتك والمحبه غناتي=عيد اللقا ومصافح ايدين بايدين

جيتك وشايل بالحشى ذكرياتي=فيها الغرام الي جمع صدق الاثنين

هذي طباعي والوفا من سماتي=والصدق مني ياخذ الصدق وايدين

جيتك معايد والمحبه عباتي=عسى المحبه بيننا اسنين واسنين[/poem]