[سليمان الشدوي]

[align=center]حبيبتتي شقي عنان السماء فوق
.............................واستمطريني لين تمطر عيوني
لين المطر ياخذ مع الريح طاروق
...........................طاروق لحّن من شجونه شجوني
واستمتعي بالشعر والفن والذوق
........................... من اول جنوني الى اخر جنوني
وان لاح في كبد السما (غيم محروق)
.......................هذا الندم ..من جور (عضة سنوني )
الشاعرالعاشق ماهوب اي مخلوق
.............................. شكله على شكلي ولونه بلوني
لي فوق هام السحب معنى ومنطوق
..........................رقيت به عشقٍ ٍ..( وقلب ً حنوني)
صوتي حدا من حدو حداية النوق؟
.............................. ويمكن حداة النوق هم قلدوني !!
مسجون انا مسجون ماني بمطلوق
............................ ولو يطلقوني جيت ادورسجوني
اخاف من رجفه ومن ( بيت ومسروق )
.................................لحنه غريب ولاتحبه لحوني
هلي خذوا حقي ولا اعطوني حقوق
............................ ويش لون سامحتي هلي ياظنوني
بعيونهم اصبحت (تمثال مشنـــوق )
..............................استعمروني... مير ماستوطنوني
وصاغوا تراتيلي مع (راعي البوق)
................................. كم بالغنا.. والدندنه .. عذبوني
واللي يقولوا .. كل مطرود ملحوق
...............................قالوا.. فرزدق !! ليتهم غيهبوني
واللحظه اللي توقف الحرف بحلوق
.................................. ما اعتدتها ... لكنهم عودوني
الشعر مظماتي وانا حادي الشوق
............................. .مديون شعر .. ازريت اسدد ديوني
بنت المطر تلبس على راسها الطوق
............................... وماشق (بسمة ثغرها) الا مجوني
لو مايروقها احد عندي تروق
................................تكبر على حسي .. وتصغر بدوني
حبيبتي هذي(مزون الغلا )فوق
..................................استمطـريها .. لاتنــام بجفــوني
وقولي حبيبي ساق لي غيمته سوق
..................................ولاتروي لربعي (رواية مزوني )
ولابش نبت الارض ضميه برفوق
...................................لانه غلاته ... من غلاوة عيوني
\
|
\
|
\
ولكمــ( سليمــــــــان الشدوي )تحيـــــــــــــاتي[/align]