[@بن عايده@]

[align=center],
,
,
,
,
,
,
,
كان عندي حمامه قدرها غالي
شكلها دوم يتشكل على بالي

مالها في سما الدنيا تطياري
ريشها من خيالي وافضل افكاري

عشها مضغتي واما القفص صدري
لا تنفست اعلّقها على نحري

كم تقاسمت ويّاها هنا روحي
ريشها طبّ داوى نازف جروحي

رفرفتها تموّت كل تعباتي
من تغرّد تطفّي نغمة آهاتي

استمرّ السعد والقلب طرباني
الحمامه تطير تطيّر احزاني

لين جا يوم صار الوجد ملتاعي
وابتدت قصتي في صحبة اوجاعي

قالوا ان الحمامه قرّبت ترحل
وانعقد عقدة(ن) ما اظنّها تنحلّ

ابتدا الوقت يعلن ساعة الفرقه
ساعتي شوّهت يدّي من الحرقه

هاجرت غصب عنّي لاستراليّه
واصبح الحزن لي فلّه وتسليّه

عشّها جفّت اعواده غدا قاسي
صار يوجع بقلبي يحبس انفاسي

والمصيبه لو تطوّل بها المدّه
آه قلبي على التعذيب وش حدّه

ليتني نجم في وسط السما لامع
وارقب الارض في ذا العالم الجامع

واتطمّن على طيري وش احواله
وارسل النور لو شفته يضيّا له

لكن الحين ما عاد البعد همّي
آنا مبسوط من ساسي الى كمّي

يوم قلبي وقع في فخّ قمريّه
اسمها اردّده في شهقة الريّه

يالله لا عاد تفك القلب من صيده
خلّه يصيغ فالمعشوقه قصيده

لاحد يعوم فالمعنى ولا يصعد
اغلط وعدّ ثمّ اغلط وعيد العدّ

الحمام اعتبره أشكال واصنافي
اعتقد كل بيت يقدّم الوافي

ما نسيت القديمه والله العاصم
لو تكون الجديده عودي القاصم

يالله اجمع حمامي وامحي آلامي
واجعل الود ما يخفى عن ايّامي

تمّت وجبتها للسامع هديّه
يالله اجعل قلوب الحب مهديّه[/align]