العجوز الشمطاااء..!!
يحكى أن عجوز تحدت ابليس
وقالت إن كيدها أعظم من
كيده وتحدته إنها تسوي
مشكله واذا ماقدر يحلها أنها
راح تحله وتفوز بالرهان
راحت العجوز لواحد من
هالعاطلين اللي ما عندهم
شغل ويا كثرهم وقالت أنت
ياكمخه أنا بشغلك عندي
فتره معينه بس
اذا تبي فلوس لا تتدخل ولا تتكلم
وافق الشاب لأنه طفش من
البطاله ويبي فلوس ..
راحت العجوز ومعاها الشاب
لمحل قماش وقالت له
أنتظرني عند باب المحل ...
دخلت المحل وخذت قماش
غالي وراحت تكاسر تاجر القماش
العجوز: رخص يابن الحلال
التاجر :اذا انتي ما عندك
فلوس خذي شيء أرخص
العجوز: ما أقدر ...لازم وإلا يصير شيء ماصار
والعجيز تبكبك ************
التاجر: ليش ؟؟......
لها الدرجة ..... شسالفة ؟؟
العجوز : شفت الشاب اللي واقف عند باب المحل ...
هذا ولدي ... يحب له وحده
متزوجه وهي تحبه
ولما تتطلق من زوجها ..
ولدي بتزوجها
وهو قالي أن عارضتي
الزواج بأطردك من البيت
وأمرني أني أشتري قماش غالي
عشان يعطيها حبيبته
وإلا راح يطردني من البيت
مع أن البيت بالأساس بيتي
ولكني غلطت وكتبته بأسمه
****** والعجوز للحين
تبكبك ودموعها اربع اربع
التاجر: خلاص هونيها وتهون والله كسرتي خاطري....
خلاص أنا بأعطيك القماش
ببلاش ....وعسى الله ياجرني
العجوز طلعت مستانسه
وقالت للشاب روح البيت
بعدها راحت العجوز لبيت
زوجة تاجر القماش وطقت الباب
وطلعت الزوجة
العجوز :آه يابنيتي انا تعبت
بالطريق وما أقدر أكمل
ممكن أقعد عندك أرتاح خمس دقايق ..
رحبت الزوجة ودخلتها وأكرمتها وجابتلها شاي
العجوز :مشكوووووورة ما تقصرين
ان اشاء أردها لك
تعمدت تنسى القماش وطلعت ...
الزوجة :حرام نست قطعة القماش
أكيد بترجع بعد شوي وتاخذها بروح احطها باالدولاب ..
تاجر القماش رجع لبيته
وتغدى ذاك الغدا السنع ونام شوي..
قام العصر وفتح الدولاب يبي يغير ملابسة عشان يروح محله.....
مفاجأة قطعة القماش وعرف أن الحرمه اللي يبيهاولد العجوز هي
زوجته يعني تخونه
قام عليها وطقها وطردها بالشارع بالهدوم اللي عليها .
العجوز كانت تنتظر هاللحظة في اخر الشارع فراحت لها تركض
العجوز :وش فيك يا بنيتي ليش تبكين ؟؟؟؟
الزوجة:زوجي طردني ...وماعطاني فرصة اتكلم .
العجوز :خلاص أنا بأوديك بيتي وأنا بروح احل المشكلة
راحت العجوز لبيتها ودخلت الزوجة في غرفة بينما الشاب كان في
غرفة ثانية وأمرته أنه مايطلع منها
راحت العجوز للشرطة تبكي
وتقول: كنت قاعدة في بيتي وفجأه دخل
رجل ومعه حرمه وقعدوا ببيتي حاولت اطلعهم ملقدرت
أحتلوا بيتي ******ـــ ـــــ ــــ ـــ
(ياكبرها في فمها )
ذهبت الشرطة وقبضت على الشاب والزوجة ...... ورموهم بالسجن ....
العجوز: ها ها ها وش رايك يا ابليس ؟؟؟ دورك اللحين حل المشكلة
أبليس: لا لا ما أقدر أحلها تشربكت مررررررررة
العجوز: أنا راح أحلها وكن شي ما صار ...وراح أربح الرهان
راحت العجوز تزور الزوجه بالسجن
وقالت لها : أنتي ساعدتيني مرة وأنا اللحين بأساعدك ....يلا ألبسي عباتي وغطي
نفسك
وأطلعي من السجن كأنك أنا وأنا بأقعد مكانك ....
الزوجة: مشكووووووووورة ....لكن أنتي؟؟؟
العجوز: مالك شغل مثل ما طلعتك بطلع نفسي ...
تمت عملية الهروب بنجاح ....
الوالي أمر الحراس يحضرون المسجونين عشان يحكم عليهم ...
حضرت العجوز والشاب
وقال لهم الوالي :ليش قابضين عليكم وش مسوين ؟؟
ردت العجوز : احنا ماسوينا شيء 00كنا قاعدين ببيتنا أنا ووليدي وإلا الشرطة
طابه علينا وماخذينا للسجن ...
عصب الوالي وهزأ الشرطة وما عطاهم فرصة يتكلمون
ويقول: غلطانين وتبون .... تتكلمون ...شين وقوات عين
طلعت العجوز من الوالي مستانسة وعطت الشاب فلوس
وأنهت خدمته عندها...
راحت العجوز لتاجر القماش وقالت له أنها تعبت بالطريق وأن زوجته أصيله
وأكرمتها وهي من كثر التعب نست القماش عندها وأن زوجته بريئه
وقالت خذ قماشتك لأن ولدي سافر هو و زوجته الجديده....
رجع التاجر زوجته وتأسف منه وعطاها ذيك الرضاوة اللي تسوى .
العجوز: وش رايك ياابليس أنا فككت السالفة سهله
قال ابليس: كفانا الله شرك..........
منقول لأخذ العظه والعبره والحذرمن كيد بعض العجائز 
ـــــــــــــــــــــــــــــــــــــ
التعديل الأخير تم بواسطة الســرف ; 21-11-2008 الساعة 03:14 AM.
|