[أميرة شحية]

يا طير يا ناوي تفارق حياتي ...
كيف اتبعك وانا بدونك بلا جناح

الصيف لي وقف في كل الجهاتي ...
والشمس ترفض من سما الصيف تنزاح

حرام تنكر في الرياح امنياتي ...
وانا لك ازرع درب عمرك بالافراح

حرام تقتل كل حلم بذاتي ...
واتقول حبك فارق ايامي وراح

جيتك وانا المجروح من ذكرياتي ...
من بعد مادمرني الحزن واجتاح

جيتك ادور فيك طوق النجاتي ...
وانته تزيد الجرح بفراقك جراح

لحظة فراقك مثل لحظة مماتي ...
بالضبط كنك تطعن القلب برماح

وان كان فرحك يوم تنطر شقاتي ...
عذب على كيفك علشان ترتاح

لاتقول دور لك حبيب شراتي ...
صعبه الاقي مثلك اليوم ياصاح

ياطير لاترحل وتترك حياتي ...
لو صارلك في يوم ياطيري جناح